सुनसरीमा खुल्ला दिशा मुक्त अभियान

  • प्रकाशित मितिः पुष, १६, 2074
  • 13 पटक पढिएको
  • समय अनलाइन

इनरुवा । सुनसरीमा खुला दिशा मुक्त अभियान कागजमा सिमित भएको पाइएको छ । अधिकांस क्षेत्रमा अभियानको क्रममा बनाईएका शौचालय प्रयोग बिहिन हुँदा खुला दिशा मुक्त अभियान कार्यक्रम कागजमा मात्र सिमित बन्न पुगेको हो ।

जिल्लामा खुला दिशा मुक्त अभियान कार्यक्रम हत्तार हत्तारमा सक्ने होडवाजी र कार्यक्रमको नाममा आएको बजेट कुम्ल्याउने गैरसरकारी संस्थाहरुको कारण ठोस पूर्वाधार नै निर्माण नगरी शौचालय निर्माण लगायतका काम गरेको कारण खुला दिशा मुक्त क्षेत्र प्रभावकारी नभएको पाइएको छ् ।

सुनसरीमा सरोकारवालाहरुले सन् २०१५ सम्ममा सुनसरी जिल्लालाई खुल्ला दिशा मुक्त क्षेत्र घोषण गर्ने लक्ष्य लिएको थियो । लक्ष्य भन्दा दुई वर्षबढी हुन लाग्दा समेत अभियान कार्यक्रम अझै सकिएको छैन् । सुनसरीको अझै पनि केही साविकका गाविस खुला दिशा मुक्त घोषणा गर्न बाँकी नै रहेको अवस्थामा खुला दिशा मुक्त क्षेत्र घोषणा भई सकेका साविकका गाविसहरुमा निर्माण गरिएको शौचालयहरु भत्किएर प्रयोग बिहिन बनेपछि कार्यक्रमलाई चुनौती थपिएको देखिन्छ ।

सरकारी योजना अनुसार यहाँ घोषणा कार्यक्रमलाई प्रभावकारी बनाउने लक्ष्य लिएको भएपनि सुनसरीमा अधिकांस खुल्ला दिशामुक्त क्षेत्र घोषणा गरेको गाउँमा खुल्ला रुपमा दिसा पिसाब गरिरहेको श्रीपुरका चन्दन यादव बताउँछन् । सिएसडिसि सुनसरी तथा वेल् नामक संस्था र जिल्ला खानेपानी तथा सरसफाई डिभिजन कार्यालय सुनसरी लगायत बिभिन्न सरकारी निकायको सहकार्यमा संचालित खुला दिशामुक्त अभियान प्रभावकारी बनाउनका लागि अनुगमन हुनुपर्नेमा सरोकारवालाहरुले जोड दिएका छन् ।

 शौचालय प्रयोग बिहीन बन्ने क्रम बढेको र सुनसरीमा खुला दिशा मुक्त अभियान प्रभावकारी बन्न नसकेको सरोकारवालाहरु बताउँछन् । सरकारले २०१७ सम्ममा नेपाललाई खुल्ला दिशा मुक्त घोषणा गर्ने लक्ष्य अनुसार सुनसरीमा समेत यो अभियान संचालनमा ल्याएका थिए । सरकारी योजनालाई सार्थक पार्नुपर्नेमा त्यसको विपरित काम भएको पाईएको छ ।

 


समय आवाज मिडिया प्रा.लि. द्वारा संचालित टिमहरु

सम्पर्क नं.: ९८४२५५३५५५, ०२५–५८७३८४

इमेल: samayaaaweekly@gmail.com

प्रधान सम्पादक

N/A

सम्पादक

निशा निरौला

कार्यकारी सम्पादक

N/A

फोटो पत्रकार

नविन बस्नेत

लेखक

विरेन्द्र कार्की

प्रबन्ध निर्देशक

जीवन फुयाल

सह–प्रबन्धक

देशबन्धु कार्की

बाजार व्यवस्थापक

सागर भट्टराई

उर्लावारी संवाददाता

किरण निरौला

धनकुटा संवाददाता

नगेन्द्र फुयाल

डेस्क रिपोटर

रमेश लुइटेल(अवि)

सल्लहकार

बलराम आचार्य, रियन्द्र गुरागाई, विकास भट्टराई, तेजबहादुर पुरी, डा. राजेन्द्र पोखरेल

Copyright © 2017 - Samayaonline.com All rights reserved

Website by: Freak Templates