​वडा सदस्यले चक्कु प्रहार गर्दा एक जना घाइते

विराटनगर ।  उर्लाबारी– ५ स्थित एरोमा होटलमा बिहिबार राती विश्वकप फूटबल हेर्नेक्रममा भएको विवादमा चक्कु प्रहारबाट एक जना घाइते भएका छन् ।

उर्लाबारी –३ का वडा सदस्य सचिन शाक्यले सोही वडाका विशाल तामाङलाई चक्कु प्रहार गरी घाइते बताएका हुन् । घाइते तामाङको बिर्तामोडस्थित बीएण्डसी अस्पतालमा उपचार भइरहेको छ ।

चक्कु प्रहार गर्ने शाक्य फरार भएकाले उनको खोजी भइरहेको इलाका प्रहरी कार्यालय उर्लाबारीका प्रहरी निरीक्षक रामप्रसाद तिमल्सिनाले जानकारी दिएका छन् ।