इटहरी स्थित इटहरी रंगशालामा हुनेलागेको मोफसलमा सर्वाधिक पुरस्कार राशीको गोल्ड कप मदन भण्डारी स्मृति इटहरी गोल्ड कप फुटबल प्रतियोगिताको तयारी तिब्र भई रहेको छ |
मोफसलमा सर्वाधिक पुरस्कार र इटहरीलाई चिनाउने एउटा दरिलो माध्यम समेत रहेको यस प्रतियोगिताको तयारीलाई तिब्रता साथै बिशेष तयारीमा लागेको आयोजक सस्थाका कोषाध्यक्ष श्याम मानन्धरले शब्दशक्तिलाई जानकारी गराए |
मान्धरका अनुसार इटहरीमा सुरु हुने गोल्ड कपमा सर्वाधिक पुरस्कार राशीका रुपमा १२ लाख रुपैयाँ घोषणा गरिएको छ भनी माघ ६ गते रुस्लान थ्री स्टार क्लब र नेपाल एपिएफ क्लबबीचको प्रतिस्पर्धासँगै इटहरी गोल्ड कप सुरु हुने । प्रतियोगिता इटहरी रंगशालामा माघ १३ गते सम्म हुने छ ।
जिल्ला खेलकुद बिकास परिषद सुनसरीका कार्यवाहक अध्यक्ष अनुरोध थापाका अनुसार नेपालि फुटवल जगतको बिकास र इटहरी बिकासमा यस प्रतियोगिताले ठुलो टेवा पुर्याउने भएकाले पनि तयारीमा कुनै कमिकमजोरी नराखिने जिकीर गरेका छन |
त्यस्तै शब्दशक्ति संग बोल्दै जिल्ला फुटवल संघका महासचिव केशव कार्कीले खेलप्रेमी दर्शकका लागि स्टेडियम ,खेलाडीका लागि खेलमैदानलाई बिशेष प्रथामिकतामा राखेर तयारी गरिएको र केहि दिनमा नै सभ्यभब्यका साथ खेलमैदान तयारी हुने जिकिर गरेका छन |
राष्ट्रिय तथा अन्तराष्ट्रिय ८ टोलीको सहभागिता रहने उक्त प्रतियोगितालाई राष्ट्रिय जागृती क्लब इटहरीले आयोजना गरेको छ भनि प्रतियोगितालाई सुनसरी जिल्ला फुटबल संघले सहयोग गरेको छ |थ्री स्टार र एपिएफ रहेको समूहमा भुटानको ड्रुक यनाइटेड एफसी र त्रिभुवन आर्मी क्लब रहेका छन् । अर्को समूहमा लक्ष्मी हुन्डाई मनाङ मस्र्याङ्दी र रमपम झापा ११, आयोजक टोली र भारत कोलकाताको गरिफा स्पोर्टिङ क्लब छन् ।
प्रतिक्रिया दिनुहोस
कम्पनी दर्ता प्रमाणपत्र नं.: २०५७२३/७५/७६ / स्थायी लेखा नं.: ६०६५२१६७९
Copyright © 2017 / 2024 - Samayaonline.com All rights reserved