चितवन । उद्योग वाणिज्य संघ चितवनका अध्यक्ष सहनलाल प्रधानले व्यवसायीहरुको हकहितका लागि आफूले गरेको प्रतिबद्धता पूरा गर्न लागिपर्ने बताएका छन् ।
लायन्स तथा लियो क्लब अफ नारायणगढ बालकुमारी, विकास शिल्ड समितिले आयोजना गरेको बधाई तथा सम्मान कार्यक्रममा अध्यक्ष प्रधानले आफ्नो प्रतिबद्धता पूरा गर्ने वचन दिएका हुन् । उनले खेलकुदले जिल्लाको आर्थिक क्षेत्र चलायमान हुने भएकोले विकास शिल्ड फुटबलका कारण चितवनको आर्थिक विकासमा टेवा पुग्ने बताए । विकास शिल्डलाई सफल बनाउन उद्योग वाणिज्य संघ चितवन सधैँ तयार रहेको प्रधानले बताए ।
उद्योग वाणिज्य संघ विकास शिल्डको प्रवद्र्धक भएर काम गर्ने उल्लेख गर्दै प्रधानले रनिङ शिल्ड सफल पार्नको लागि आर्थिक पाटो जुटाउनसमेत आफूले सक्दो पहल गर्ने प्रतिबद्धता जनाए ।
कार्यक्रममा उद्योग वाणिज्य संघ चितवनका अध्यक्ष सहनलाल प्रधानसहित कार्यसमितिका सबैलाई बधाई, स्वागत तथा सम्मान गरेको हो ।
उद्योगी व्यवसायीहरुको छाता संगठन उद्योग वाणिज्य संघ चितवनका नवनिर्वाचित पदाधिकारीलाई लायन्स क्लब अफ नारायणगढ बालकुमारीका अध्यक्ष बालगोपाल चुकेले सम्मान गरे ।
कार्यक्रममा विकास शिल्डका अध्यक्ष श्यामकुमार पियाले विकास शिल्डले बर्सेनि पुरस्कार राशी बढाउँदै लगेको जानकारी दिँदै यसवर्ष पहिलो पुरस्कार पाँच लाख रुपैयाँ नगद र दोस्रो पुरस्कार दुई लाख ५० हजार रुपैयाँको साथमा ट्रफी तथा मेडल रहने जानकारी दिए ।
आगामी फागुन ८ देखि २० गतेसम्म हुने प्रतियोगितामा राष्ट्रियस्तरका क्लबहरु सहभागी हुने लायन्स क्लब अफ नारायणगढ बालकुमारीका अध्यक्ष एवम् विकास शिल्डका कोषाध्यक्ष बालगोपाल चुकेले जानकारी दिए ।
प्रतिक्रिया दिनुहोस
कम्पनी दर्ता प्रमाणपत्र नं.: २०५७२३/७५/७६ / स्थायी लेखा नं.: ६०६५२१६७९
Copyright © 2017 / 2024 - Samayaonline.com All rights reserved