फ्रान्सेली उद्योगपति तथा राजनीतिज्ञ सर्गी दास्सुको निधन भएको छ । दास्तुको ९३ वर्षको उमेरमा हृदयाघातका कारण निधन भएको हो । उनले सन् १९८६ मा आफ्नो पिताको निधनपछि दास्सु ग्रूपका कम्पनी सम्हाल्दै आएका थिए ।
यस समूहको एरोनटिक्स र आर्मामेण्ट्स क्षेत्रमा थुप्रै कम्पनी रहेका छन् भने फ्रान्सेली पत्रिका ल फिगारो पनि समूहकै स्वामित्वमा रहेको छ । फ्रान्सका धनाढ्य व्यक्तिमध्ये एक दास्सु ब्लुमवर्ग र फोर्ब्स दुवैका अर्बपतिको सूचीमा उच्च स्थानमा रहेका थिए ।
उनीसँग करीब २६ अर्ब डलरदेखि २७ अर्ब डलरबराबरको सम्पत्ति रहेको अनुमान छ । यसबाहेक उनी राजनीतिकमा पनि सक्रिय रहेका थिए । फ्रान्सका पूर्वराष्ट्रपति निकोलस सार्कोजीले उनको निधनसँगै फ्रान्सले एक महान् उद्यमी गुमाएको बताएका छन् । गत वर्ष उनलाईं आफ्नो सम्पत्तिको सही विवरण नदिएको भन्दै धोकाधडीको आरोपमा २३ लाख डलर जरिबाना पनि तिराइएको थियो ।
प्रतिक्रिया दिनुहोस
कम्पनी दर्ता प्रमाणपत्र नं.: २०५७२३/७५/७६ / स्थायी लेखा नं.: ६०६५२१६७९
Copyright © 2017 / 2024 - Samayaonline.com All rights reserved