पत्रकार पुरस्कृत

पत्रकारिताका माध्यमबाट नेपाली समाजको रुपान्तरणसंगै इटहरीको सर्वागिंण विकासमा योगदान पुर्रयाएको भन्दै इटहरी उपमहानगरपाले स्थापना गरेको पत्रकारिता पुरस्कारबाट एभिन्युज खबरका इटहरी व्युरो संवाददाता कृष्ण भट्टराई पुरस्कृत भएका छन ।

नेपाल पत्रकार महासंघका केन्द्रीय महासचिव रमेश विष्ट र इटहरी उपमहानगरपालिकाकी उपप्रमुख लक्ष्मी गौतमले नगद सहित पुरस्कृत गरेका हुन ।

इटहरी उपमहानगरपालिकाले स्थापना गरेको तथा नेपाल पत्रकार महासंघ सुनसरीले हाम्रा सहकर्मी भट्टराईलाई नगद ३५हजार सहित प्रमाण पत्रले सम्मान गरिएको हो । त्यसै गरि इटहरी उपमहानगरपालिकाले स्थापना गरेको पत्रकारिता पुर्स्कार रोमा रिजाललाई समेत प्रदान गरियो । महासंघ सुनसरी आयोजना गरेको लेखनवृति सम्मान तथा पुरस्कार वितरण कार्यक्रममा धरान उपमहानगरपालिकाले अग्रज पत्रकारद्धय हर्ष सुब्बा र राजकुमार कार्कीलाई नगद २०हजार सहित सम्मान गरियो । त्यसै गरि धरान उपमहानगरपालिकाद्धारा प्रदान गरिने पत्रकारिता पुरस्कारबाट शेखरनाथ जोगी र केदार बस्नेत , इनरुवा नगरपालिकाले प्रदान गर्ने पत्रकारिता पुरस्कारबाट प्रमोद यादव र मिकाइल आलम पुरस्कृत भए । कार्यक्रममा धरान ,इटहरी उपमहानगरपालिका र इनरुवा नगरपालिकाले प्रदान गरेको लेखनवृत्ति रकमबाट समेत प्राप्त गर्ने सञ्चारकर्मीहरुलाई प्रदान गरियो ।