प्रधानमन्त्री कपमा एपीएफलाई आर्मीद्वारा २२९ को लक्ष्य

  त्रिभुवन आर्मी क्लबले एपीएफलाई २२९ रनको लक्ष्य प्रस्तुत गरेको छ । वर्षाका कारण ५० ओभरको खेललाई ४० ओभरमा सीमित गरिएको थियो भने निर्धारित ४० ओभर खेल्दै आर्मीले २२८ रन जोडेपछि एपीएफ क्लबले २२९ को लक्ष्य पाएको हो ।
आर्मीका लागि बिनोेद भण्डारीले उत्कृष्ट ब्याटिङ गर्दै २२ बलमा ५० रन बनाएका थिए । खेलमा आर्मीका लागि सर्वाधिक अनिल कुमार मण्डलले ७२ रन बनाएका थिए ।
त्यस्तै, आर्मीका लागि सागर पुनले ४६ रन बनाए भने नरेश बुढाऐरले ३७ रनको योगदान गरेका थिए ।
त्यस्तै, टस जितेर पहिला बलिङ रोजेको विभागिय टिम एपीएफका लागि भुवन कार्कीले ४ विकेट लिएका छन् । त्यस्तै, एपीएफका लागि कमल सिंह ऐरी र करण केसीले समान २ विकेट लिए भने पृथु बास्कोटा, बसन्त रेग्मीले समान १—१ विकेट लिए ।