अर्जेन्टिनाद्वारा इजराइलविरुद्धको मैत्रीपूर्ण खेल रद्द

अर्जेन्टिनाले इजराइलसँगको मैत्रीपूर्ण खेल रद्द गरेको छ । शनिबार इजराइलको जेरुसेलममा हुने भनिएको मैत्रीपूर्ण खेल आर्जेन्टिनाले रद्द गरेको हो ।

इजराइल र प्यालेष्टाइनबीचको द्वन्द्वका कारण यी दुई टिमबीचको खेल रद्द भएको हो । केही दिन अगाडिमात्रै इजरायाली बालबालिकाहरूले हाम्रा पूर्खाको चिहानमाथि खेल नखेल्न मेस्सीलाई सन्देश पठाएका थिए । 

खेल रद्द गरेको विषयमा अर्जेन्टिनाका स्ट्राइकर गोन्जालो हिग्युइनले आफूहरुले खेल रद्द गरेर सही निर्णय गरेको इएसपीएन स्पोर्ट्स च्यानलसँगको अन्तर्वार्तामा बताएका छन् ।
तर, इजरायलका प्रधानमन्त्री बेन्जामिन नेतान्याहुले अर्जेन्टिनाका राष्ट्रपति मौरिसीयो मार्सीलाई मैत्रीपूर्ण खेल खेलाउन आग्रह गरेका थिए ।