काठमाडौं । प्रभु बैंकले ईलामको सन्दकपुर गाउँपालिका– १ र धनुषाको मुखियापट्टी मुसहरमिया गाउँपालिकामा–१ नयाँ शाखा सञ्चालनमा ल्याएको छ । सबै स्थानीय तहमा वाणिज्य बैंकको साखा पुर्याउने सरकारको योजनाअनुरुप बैंकले शाखा विस्तार गरेको हो ।
ईलामस्थित नयाँ शाखाको उद्घाटन गाउँपालिकाका अध्यक्ष उदयबहादुर राईले गरे भने धनुषाको शाखा कार्यालय स्थानीय गाउँपालिकाका अध्यक्ष मनोज यादवले गरेको बैंकले जनाएको छ ।
शाखा कार्यालय उद्घाटन कार्यक्रममा सम्बन्धित जिल्लास्थित विभिन्न सरकारी कार्यालयका प्रतिनिधि, विभिन्न राजनैतिक दलका प्रतिनिधी, उद्योग वाणिज्य संंघका पदाधिकारी, विभिन्न संघ संस्थाका प्रतिनिधि, स्थानीय व्यापारी, बुद्धिजिवीलगायतको उपस्थिति रहेको थियो ।
कार्यक्रमका प्रमुख अतिथी दुवै गाउँपालिकाका अध्यक्षहरुले उद्घाटन मन्तव्य राख्ने क्रममा बैंकले स्थानीय तहका गाउँपालिकामा शाखा कार्यालय सञ्चालनमा ल्याएर बैंकिङ पहुँचभन्दा बाहिर रहेका सेवाग्राहीलाई सेवा उपलब्ध गराउन लागेकोमा प्रंशसा गरेका थिए ।
प्रतिक्रिया दिनुहोस
कम्पनी दर्ता प्रमाणपत्र नं.: २०५७२३/७५/७६ / स्थायी लेखा नं.: ६०६५२१६७९
Copyright © 2017 / 2024 - Samayaonline.com All rights reserved