सिंहदरबारभित्रैआत्महत्या कर्मचारीले गरेको खुलासा'

पछिल्ला दिनहरुमा जीवनत्याग गरेका घटनाहरु लगातार बाहिर आइरहेका छन् । यो बीचमा सिंह दरबारमा एकजनाले जीवनत्याग गरेका छन् ।

राष्ट्रिय योजना आयोगका एकजना कर्मचारीले सिंहदरबारमै जीवनत्याग गरेका हुन् । कार्यालय समय सकिएर सोमबार राति ८ बजेको समयमा सिंहदरबार छिरेका नायव सुब्बा बच्चु केसी राष्ट्रिय योजना आयोगको कार्यालयको सानो अनुगमन हलमा मृत फेला परेका हुन् ।

प्रहरीका अनुसार सोमबारै राति वि’ष पिएर उनले आत्मह’त्या गरेको प्रारम्भीक अनुमान गरिएको छ । सिंहदरबार क्षेत्रमा जडान गरिएको सिसीटिभी क्यामेरामा उनी सोमबार राति साधरण पोशाकमा सिंहदरबार छिरेको देखिएको छ ।

प्रहरीले अहिले उनको श’व भएको स्थानमा मुचुल्का उठाइरहेको छ । केसी मृत भेटिएपछि उनको परिवारलाई झिकाइएको योजना आयोगका एक अधिकारीले जानकारी दिए ।

तर उनले जीवनत्याग गर्नुको कारणबारे केही पनि खुलाएका छैनन् । घटनाको जानकारीपछि प्रहरी पुगेर अनुसन्धान गरिरहेको महानगरीय प्रहरी प्रवक्ता एसएसपी श्याम ज्ञवालीले बताए ।

-एजेन्सी