गोरखा डिपार्टमेन्ट स्टोर तोडफोड गर्ने मैनाली पक्राउ

गोरखा डिपार्टमेण्ड स्टोर तोडफोड गर्ने इटहरीका नवराज मैनाली पक्राउ परेका छन् । सडक निर्माणको बिषयलाई लिएर मैनालीले स्टोरमाथि तोडफोड गरेका हुन । पुहँचको भरमा अन्य ठाउँको भन्दा सानो बाटो बनाएको र स्टोरलाई जोगाएको भन्दै तोडफोड गरिएको बताइएको छ ।

इटहरीको तरहरा क्षेत्रमा सडक विस्तार साडे ८२ फुटनै कायम गरे पनि इटहरीको मुख्य चौक भने ठुला ब्यापारीको पुहँचले ६५ फुट मात्र किन बनाएको भन्दै मैनालीले डिपार्टमेण्टको सटर तानेका थिए । उनलाई अहिले इलाका प्रहरी कार्यलय इटहरीले पक्राउ गरेको छ । मुख्यबजार क्षेत्रमा रहेका धेरै घरहरू भत्कने भन्दै बाटो सानो बनाउँन ठुलाबडा लागेको भन्दै चौतर्फी आलोचना भईरहेको छ ।