संखुवासभामा प्रदेश स्तरीय लाखे नाँच प्रतियोगिता हुदै

संखुवासभामा १ नं. प्रदेश स्तरीय लाखे नाँच प्रतियोगिता हुने भएको छ । चैनपुर समाज सेवा युवा क्लबको आयोजना तथा नेवाः देय् दबू चैनपुरको समन्वयमा मसिंर ७, ८ र ९ गते प्रतियोगिता हुन लागेको हो ।

चैनपुर नगरपालिका वडा नं. ६ स्थित चैनपुरमा आयोजना हुने प्रतियोगितामा प्रथम हुने समूहलाई ५५ हजार ५ सय ५५, दोस्रोलाई ३३ हजार ३ सय ३३ र तृतीयलाई २२ हजार २ सय २२ नगद, प्रमाण पत्र र मायाको चिनो पुरस्कार राखिएको छ । सान्तवना समूहलाई भने ११ हजार १ सय ११ नगद पुरस्कार राशी राखिएको छ ।

प्रतियोगितामा सहभागी हुने समूहलाई आवास र खानाको व्यवस्था मिलाइएको आयोजक संस्थाले जनाएको छ । प्रतियोगितामा सहभागी हुन ३ हजार शुल्क लाग्ने र संस्थाका अध्यक्ष रन्जन श्रेष्ठको ९८५२०५१२०१ मोबाइल नम्बरमा मार्फत सहभागी दर्ता गराउन सकिने बताइएको छ ।