सुनसरीमा गाँजा फडानी गर्न प्रहरीको सकृयता बढ्यो

सुनसरीको कोशी गाउँपालिका ५ स्थित श्रीपुरजब्दीमा स्थानियहरुले घर आगनमा लगाएको अवैध लागुऔषध गाँजाको बोटहरु सशस्त्र प्रहरी वल र नेपाल प्रहरी प्रहरीको टोलीले ठुलो परिणाममा फडानी गरेको छ ।

इलाका प्रहरी कार्यालय लौकही, श्रीपुर प्रहरी चौकी, सशस्त्र प्रहरी बल विओपी श्रीपुर, कोशी गाउँपालिका, युथ अफ लौकही, युवा सञ्जाल लगायतकाको सहकार्यमा सोमबार स्थानियहरुले व्यवसायीक रुपमा घरको आगनामा लगाएको १२ सय ५० वटा बोटहरु फडानी गरिएको हो ।

फडानी गरिएको अवैध गाजाका बोटहरुलाई प्रहरीले जलाएर नष्ट गर्नका लागी प्रहरी कार्यालय लौकहीमा जम्मा गरि नष्ट गर्दै आएको छ ।

सुनसरीको भोक्राहा नरसिह गाउपालिका र कोशी गाउपालिकाका स्थानियहरुको प्रत्येक घर आगनमा गाजाको खेती गरि पाके पछि बिक्री गर्ने गरेको सुचनाका आधारमा प्रहरीले गाजा फडानी अभियान सुरु गरेको इलाका प्रहरी कार्यालय लौकहीका प्रहरी नायव निरिक्षक शिव शर्माले बताए

सुनसरीको दक्षिणवर्ती क्षेत्रमा लगाईदै आएको अवैध गाजा खेतीलाई प्रहरीले प्रत्येक वर्ष फडानी गरे पनि लगाउने क्रम भने रोकिएको छैन ।