जबरजस्ती करणीको आरोप लागेका जगतगुरु डा.कृष्णदासलाई पक्राउ गर्न सुनसरी जिल्ला अदालतले प्रहरीलाई अनुमति दिएको छ । जबरजस्ती करणीको आरोप लागेका श्रीराम तारक ब्रह्म पिठ चतराका संरक्षक तथा जगतगुरुको उपाधि प्राप्त डा. कृष्णदासजी महाराज रामानन्दाचार्यलाई पक्राउ गर्न प्रहरीलाई सुनसरी जिल्ला अदालतले अनुमति दिएको हो ।
कृष्णदास गिरीमाथि जबरजस्ती करणी मुद्दामा अनुसन्धानका लागि नियन्त्रणमा लिनुपर्ने कारण देखाउँदै प्रहरी पक्राउपूर्जीको अनुमति लिन अदालत पुगेको थियो ।
सुनसरी प्रहरीले अदालतबाट अनुमति पाएसंगै कृष्णदासलाई अनुसन्धानका लागि पक्राउ गर्न कानूनी बाटो खुलेको बताएको छ ।
प्रहरीले कृष्णदासलाई पक्राउका लागि अदालतबाट शुक्रबार अबेर अनुमति लिएको भएपनि त्यसअघिनै उनी पक्राउको विषय प्रहरी स्रोतलाई उदधृत गर्दै बाहिरिएको थियो ।
यद्यपि सुनसरी प्रहरीले कृष्णदास पक्राउको हल्ला भने निराधार भएको बताएको छ ।
सुनसरी प्रहरी प्रमुुख यज्ञबिनोद पोखरेलले कृष्णदास पक्राउ परिसकेको भन्ने विषय निराधार भएको बताउनुभयो । उहाँले अदालतबाट अनुमति पाएसँगै कृष्णदासको खोजी तीब्र पारिएको जानकारी दिनुभयो ।
प्रहरीले दिएको जानकारी अनुसार कृष्णदास आश्रममा भने छैनन् । उनको खोजिका लागि टोली परिचालन गरिएको छ ।
अनुयायी बलात्कारको आरोप लागेको कृष्णदास हाइप्रोफाइल व्यक्तिका रुपमा चिनिन्छन् । चतरामा सम्पन्न श्रीराम तारक ब्रह्म महायज्ञको पूर्णाहुतीसँगै सिद्धबाबा कृष्णदासलाई जगतगुरु रामानन्दाचार्य पदवीबाट विभूषित गरिएको थियो ।
सिद्धबाबा कृष्णदासलाई महायज्ञमा उपस्थित चतुः सम्प्रदायका जगतगुरुसहितका शीर्षस्थ व्यक्तिहरुले उक्त पदवी प्रदान गरेका थिए ।
प्रतिक्रिया दिनुहोस
कम्पनी दर्ता प्रमाणपत्र नं.: २०५७२३/७५/७६ / स्थायी लेखा नं.: ६०६५२१६७९
Copyright © 2017 / 2024 - Samayaonline.com All rights reserved