इनरुवामा विद्यापति समारोह आयोजना गरिदै

इनरुवा । सुनसरीको सदरमुकाम इनरुवामा पहिलो पटक विद्यापति समारोह आयोजना गरिने भएको छ । मैथिली सेवा समिति इनरुवा सुनसरीले मंसिर २१ गते शनिबारका दिन रामजानकी मन्दिर परिषरमा विशेष समारोहको आयोजना गर्न लागेको हो ।

कार्यक्रमका बारेमा आयोजक समितिले पत्रकार सम्मेलनको आयोजना गरि जानकारी गराएको छ । कार्यक्रम संयोजक जीवानन्द झाका अनुसार कार्यक्रममा नेपाल र भारतका विशिष्ट व्यक्तिहरुको उपस्थिति रहने छ ।

प्रथम विद्यापति स्मृति पर्व समारोह नाम दिइएको कार्यक्रमलाई तीन चरणमा आयोजना गरिने पत्रकार सम्मेलनमा जानकारी गराइएको छ ।

पत्रकार सम्मेलनमा दिइएको जानकारी अनुसार शनिबार विहान प्रभातफेरी एवं विद्यापति स्मारक शिलान्यास गरिने छ ।

दिउँसो प्रदेश एकका मूख्यमन्त्री शेरधन राईका साथै प्रदेशका अन्य मन्त्रीसँगै प्रमुख प्रतिपक्षी दलका नेता राजिब कोइराला, स्थानीय निकायका प्रमुख र भारत बिहारका जनस्रोत मन्त्री सञ्जय झा लगायतका विशिष्ट व्यक्तिहरुको उपस्थितिमा औपचारिक कार्यक्रमको आयोजना गरिनेछ ।