मध्यपहाडी लोकमार्ग : पुल निर्माणमा लापरबाही

प्रकाशित मितिः मंसिर २८, २०७६
1096 पटक पढिएको
समय अनलाइन

मध्यपहाडी लोकमार्गको निर्माणाधीन म्याङलुङ–संक्रान्ति खण्डका दुई खोलामा ठेकेदारले निर्धारित समयमा पुल निर्माण सकेका छैनन् । यसले गर्दा दुई गाउँपालिकाबासीलाई सदरमुकाम आउजाउ गर्न समस्या भएको छ ।

संक्रान्ति–म्याङलुङ खण्डको बीचमा पर्ने खोरुंगा र कोया खोलामा सम्झौताअनुसार पुल बेलामा नबन्दा समस्या भएको हो । सरकारले राष्ट्रिय गौरवको आयोजना घोषणा गरेको मध्यपहाडी सडक खण्डका दुई पुल निर्माणका लागि सम्झौता गरेका व्यवसायीले लामो समयसम्म काम नथाल्दा समस्या भएको स्थानीय बमबहादुर लिम्बूले बताए ।

खोलामा पुल नहुँदा आठराई र फेदापका बासिन्दाको सदरमुकामसँग यातायात सम्पर्कमा समस्या आउने गरेको छ । पुल नहुँदा यातायात सेवा अवरुद्ध हुने गरेको म्याङलुङ बस काउन्टरका प्रमुख डिल्ली रेग्मीले बताए । सदरमुकामबाट खाद्यान्न लगायतका दैनिक उपभोग्य वस्तु लिएर गाउँ गएका सवारी खोरुङगा खोला वारि र उताबाट कृषि उत्पादन बोकेर आएका सवारी खोला पारि नै रोकिने गरेका छन् ।

प्रतिक्रिया दिनुहोस