८ महिनादेखि थन्किएको इटहरीको दमकल अझै बन्न सकेन

इटहरी उपमहनगरपालिकामा रहेका दुइटा दमकलमध्ये एकमात्र प्रयोगमा छ । आठ महिनाअघि एउटा बिग्रिएर थान्को लागेको छ । मर्मतमा कसैको चासो गएको छैन ।

प्रदेश १ का विभिन्न सहरको बीच भागतिर इटहरी पर्ने भएकाले अन्य गाउँसहरमा आगलागी भए सहयोग गर्छ । ४५ सय लिटर पानी क्षमता भएको दमकल थान्का लागेकाले एकमात्र दमकलको भर छ । ०७१ मा किनिएको चालु अवस्थाको दमकलको पनि पाइप फुटको कर्मचारीले बताए । ज्यानको जोखिम मोलेर आगो नियन्त्रण गर्ने काम गर्नुपर्ने भए पनि उपमहानगरले खासै चासो नदिएको बारुणयन्त्र नियन्त्रकहरूको गुनासो छ । बारुणयन्त्र नियन्त्रक इन्चार्ज जेबी राईले नियन्त्रकहरूका लागि सुरक्षा पर्याप्त नभएको बताए ।

इटहरीमा समयमा दमकल पुग्न नसकेको भन्दै आलोचना हुने गरेको छ ।