इटहरीमा ३ दिन बिधालय बन्द गरिने

पुस महिनाको सुरुवातसंगै पुर्वी तराई जाडो बढ्न थालेको छ । विहानै देखि हुस्सु लाग्ने र कठ्याग्रीने जाडो हुन थालेपछि इटहरी उपमहानगरपालिका र इनरुवा नगरपालिकाले विद्यालय विदाको निर्णय गरेका छन । 

इटहरी उपमहानगरपालिकाले तीन दिन र इनरुवा नगरपालिकाले दुई दिनको विदा दिने निणर्य गरेका हुन । इटहरी उपमहानगरपालिकाले ७ गते देखि ९ गते सम्म र इनरुवा नगरपालिकाले ७ र ८ गते विदा दिने निर्णय गरेको हो । चिसो बढ्न थालेपछि विद्यालयहरुमा आउने विद्यार्थीहरुको संख्या बढ्न थालेको र विद्यार्थीहरु प्रभावित वन्न थालेपछि स्थानीय सरकारको हैसियतले स्थानीय तहले विदा दिने निणर्य गरेका हुन ।

अत्याधिक चिसो वढ्न थालेपछि विद्यालयहरु मात्र हैन समग्र जनजिवन प्रभावित वन्न थालेको छ । चिसो बढ्न थालेपछि शहर वजारहरु, गाउँघरमा समेत मानवीय चहलपहलमा कमी हुन थालेको छ । केही दिन देखि विहान र वेलुकाको समयमा हुस्सु लाग्ने र दिउँसो समेत घाम नलाग्ने गरेका कारण जाडो अधिक हुन थालेको छ । ताक्रम २० डिग्री भन्दा कम हुने गरेका कारण जाडोको प्रभाव पर्न थालेको छ । विशेष गरि जाडोको प्रभाव अन्य मानिस भन्दा बालबालिका , वृद्धवृद्धा ,विरामी र अशक्तहरुमा पर्ने गरेको छ ।
चिसो बढ्न थालेसंगै विद्यालयमा विद्यार्थीहरुको संख्यामा समेत कमी आउन थालेको छ । विद्यालय आएका विद्यार्थीहरु पनि जाडोवाट वच्न न्याना लुगाहरु लगाएर मात्र आएका देखिन्छन ।