झापाका एक प्रहरी हवल्दार घुससहित पक्राउ

झापाको दमक नगरपालिका–४ बाट घुस लिएको आरोपमा प्रहरी हवल्दारलाई पक्राउ गरिएको छ । आठ हजार रुपैयाँ घुस लिएको आरोपमा इलाका प्रहरी कार्यालय उर्लाबारीमा कार्यरत प्रहरी हवल्दार राजु श्रेष्ठलाई नियन्त्रणमा लिइएको अख्तियार दुरुपयोय अनुसन्धान आयोगले जनाएको छ ।

दमक–४ ताराबारीको काठमिल स्थित काठ फर्निचर कारोबारमा सहजीकरण गरिदिने भन्दै हवल्दार श्रेष्ठले सेवाग्राहीसँग घुस लिएको आयोगले जनाएको छ ।