कांग्रेस जिल्ला सभापतिहरुको भेला केन्द्रीय कार्यालयमा

नेपाली कांग्रेसका असन्तुष्ट पक्षले आज(सोमबार) जिल्ला सभापतिहरुको भेला बोलाएका छन् । वरिष्ठ नेता रामचन्द्र पौडेल र महामन्त्री डा. शसांक कोइरालाले पार्टीको पछिल्लो अवस्थाबारे छलफल गर्न भन्दै ७७ जिल्ला सभापतिहरुलाई पार्टी केन्द्रीय कार्यालय बोलाएका छन् ।

तर भेलामा सभापति शेरबहादुर देउवा पक्षीय सभापतिहरु भने सहभागि नबन्ने भएका छन् ।

पार्टीको १४ महाधिवेशनको कार्यतालिका र नेपाल विद्यार्थी संघको तदर्थ समिति बनाउने विषयमा कुरा नमिल्दा पौडले पक्षले लामो समयदेखि केन्द्रीय समिति बैठक बहिस्कार गर्दै आएको छ ।

भेलामा पौडेल पक्षीय केन्द्रीय सदस्य तथा सांसदहरुलाई समेत आमन्त्रण गरिएको छ ।