६४औं विश्व कुष्ठरोग दिवसको अवसर पारेर सुनसरीको इटहरीमा समेत कुष्ठरोग सम्वन्धी सचेतना मुुलुक अन्तरक्रिया आयोजना गरिएको छ । इटहरी उपमहानगरपालिका स्वास्थ्य शाखाको आयोजनामा स्वास्थ्यकर्मी तथा पत्रकारहरुका लागि आयोजित अन्तरक्रिया कार्यक्रममा कुष्ठरोगको अवस्थाका विषयमा जानकारी गराइएको थियो । सो क्रममा प्रदेस नम्बर १मा नयाँ कुष्ठरोगीको संख्या ४सय ७१ र इटहरी क्षेत्रमा १७ जना कुष्ठरोगी भएको तथ्याँक प्रस्तुत गरिएको थियो ।
रामचरण चौधरीको अध्यक्षतामा भएको अभिमुखिकरण कार्यक्रममा इटहरी उपमहानगरपालिका स्वास्थ्य शाखाका धनश्याम सिग्देलले कुष्ठरोगको अवस्था मुलुक भरको तथ्याकं प्रस्तुत गर्दै कसरी कुष्ठरोगबाट बच्न सकिन्छ कुष्ठरोगको परिक्षण कसरी गर्ने लगायतका विषयमा सहजिकरण गरेका थिए । कार्यक्रममा इटहरी उपमहानगरपालिका क्षेत्रमा रहेका स्वास्थ्य चौकीका प्रमुख फोकल पर्सन र सञ्चारकर्मीको सहभागिता रहेको थियो ।