/ राष्ट्रिय प्रजातन्त्र पार्टी (राप्रपा) का अध्यक्ष कमल थापाले पछिल्लो समय देशमा बढदै गएको भ्रष्टाचार देशको लागि दुर्भाग्यपूर्ण रहने बताएका छन् । केही समय अघि घुस बार्गेनिङ् प्रकरणमा मुछिएका पूर्वमन्त्री गोकुल बास्कोटा भ्रष्टाचारीको प्रतिनिधि मात्रै भएको बताएका छन् ।
गणतन्त्रको स्थापनापछि भ्रष्टाचारको श्रृङ्खला नै यस्तै रहेको र बास्कोटा त्यसका प्रतिनिधि पात्र रहेको उनको भनाई छ । राप्रपाको प्रदेश अभिमुखिकरण कार्यक्रममा इटहरी आएका थापाले मिडिया नेपालले गरेको पत्रकार सम्मेलनमा यस्तो बताएका हुन् ।
अहिलेका नेताहरु कसैदेखि पनि नडराएको उनको आरोप छ । उनले भने, ‘नेताहरु कोहिदेखि डराउँदैनन् । राजादेखि डर हुन्थ्यो त्यो पनि साइड लगाए । धर्मदेखि डर थियो धर्म मान्दैनन् । जनतालाई बिभिन्न अकुत सम्पतिबाट किनेर भोट हाल्न लगाइन्छ भन्ने मान्यता राख्छन् । अनि किन डराउँनु ?’
गणतन्त्र, धर्म निरपेक्षता र संघीयतामाथि आफुहरुको फरक मत रहेको उनले दोहोर्र्याए । अहिलेको सम्बैधानिक ब्यबस्था जनताले चाहेर नआएको उनको दाबी छ ।
गणतन्त्रका पक्षधरहरुले समेत मान्ने खालको संबैधानिक राजसंस्था आफुहरुको ऐजेन्डा रहेको र त्यसलाई जस्केलाबाट नभई जनताको मतद्धारा ल्याउँने उनको भनाई छ ।
फरक प्रशङ्गमा थापाले अमेरिकी सहयोग मिलेनियम च्यालेन्ज कर्पोरेसन (एमसीसी) कार्यान्वयनमा सत्तारूढ दलले अनावश्यक बखेडा झिकेको आरोप लगाएका छन् ।
एमसीसी सम्झौता हस्ताक्षरमा आफ्नो पार्टीको भूमिका न्यून रहेको उनी बताउँछन् । यसमा तत्कालीन प्रधानमन्त्री डा बाबुराम भट्टराईदेखि वर्तमान प्रधानमन्त्री केपी ओली शर्मासम्मका सबै प्रधानमन्त्री र अर्थमन्त्रीहरु जिम्मेवार रहेको उनको भनाइ छ ।
प्रतिक्रिया दिनुहोस
कम्पनी दर्ता प्रमाणपत्र नं.: २०५७२३/७५/७६ / स्थायी लेखा नं.: ६०६५२१६७९
Copyright © 2017 / 2024 - Samayaonline.com All rights reserved