सुनसरीस्थित कोशी नदीमा एक प्रेम जोडीको शव भेटिएको छ । सुनसरी बराहक्षेत्र ७ देबिघाट बस्ने १५ बर्षीया मौसम बर्देवा र सोही स्थान बस्ने १९ बर्षिय पारस लिम्बुले कोशीको ठाकुरबारी किनारबाट शव भेटिएको हो ।
दुवैजनाको शव प्रहरीले छुट्टाछुटै स्थानमा फेला पारेको थियो ।
सोमबार दिउसो ३ बजे कोशी किनारामा स्थानियले बालिकाको शव देखेपछि प्रहरीलाई जानकारी गराएका थिए । इलाका प्रहरी कार्यालय महेन्द्रनगरका प्रहरी निरीक्षक शरणकुमार दाहालका अनुसार बालिकाको शव कोशी किनारमा भेटिएको र पारसको भने ५ सय मिटर पर शव भेटिएको बताए ।
ठाकुरबारी किनारमा पारसको चप्पल र मोबाइल बरामद भएको उनले बताए । पारस र मौसम दुवैजनाले कोशीमा हाम फालेको हुन सक्ने उनको भनाई छ ।
शसस्त्र र जनपथ प्रहरीको संयुक्त टोलीले पारसको शव दुई घण्टा लगाएर निकालेको हो । मौसम र पारस बिच प्रेम सम्बन्ध रहेको बताइएको छ । उनिहरु दुबैजना आइतबार रातीदेखि वेपत्ता भएको प्रहरीले जनाएको छ ।
मौसम भने स्थानिय बिद्यालयमा कक्षा ९ मा अध्यानरत थिईन् । घटनाको बिषयमा अनुसन्धान अघि बढाइएको प्रहरी निरीक्षक दाहालले बताए ।
प्रतिक्रिया दिनुहोस
कम्पनी दर्ता प्रमाणपत्र नं.: २०५७२३/७५/७६ / स्थायी लेखा नं.: ६०६५२१६७९
Copyright © 2017 / 2024 - Samayaonline.com All rights reserved