बाग्मती कोरिडोरमा दी पिकको सरसफाइ

काठमाडौँ तिलगंगास्थित आनन्द पशुपति होटेलले बाग्मती क्षेत्रमा शुक्रवार बिहान बृहत् सरसफाइ गरेको छ । दी पिक हस्पिटालीटी म्यानेजमेन्ट प्रा.लिबाट सञ्चालित होटेलले ‘कर्पोरेट सामाजिक जिम्मेवारी’ अन्तर्गत बाग्मती क्षेत्रमा सरसफाइ गरेको हो ।
सरसफाइ र पर्यावरण संरक्षणमा क्रियाशील पिक म्यानेजमेन्टले पशुपति कोरिडोरमा प्रत्येक हप्ता यसरी नै सरसफाइ गर्दै आएको छ । सामाजिक कार्यमा सदैव सहकार्यको भाव राखी यस्ता कार्यक्रममा निरन्तर आयोजना भइरहेको दि पिकका सञ्चालक बिबेक विष्टले जानकारी दिए ।
सरसफाइमा होटेलका कर्मचारी तथा संञ्चालकहरु हालतमा झाडु र प्ले कार्ड लिएर बाग्मती कोरिडोरमा उत्रिएका थिए । सरसफाईसगै त्यस क्षेत्रका फोहर सङ्कलन समेत गरिएको थियो ।
सरसफाइमा २५ बढीको सहभागिता थियो । कार्यक्रममा बतास होलिडेज, बतास फाउन्डेसन र बतास अर्गनाइजेसनको पनि सहभागिता थियो ।