ब्लड क्यान्सर पीडित सिबराज पौडेललाई १ लाख आर्थीक सहयोग

उदयपुरको बेलका नगरपालिका वडा नं. ३ का २७ बर्षिय सिवराज पौडेल ३ महिना देखि ब्लड क्यान्सर रोग बाट लडिरहेका छन ।
पौडेलको उपचारमा धेरै पैसा सकिसकेको र अझ धेरै लाग्ने हुदा चितवन स्थित भरतपुर क्यानसर अस्पतालमा उपचाररत उनलाई हाल देश विदेस तथा विभिन्न संघ सस्था सहयोगी हातहरुबाट आर्थीक सहयोग उठाउँने काम भैरहेको विद्यार्थी नेता भरत घिमिरेले बताएका छन् ।
जुटेको केहि रकम बिरामीका अभिभावक लाई हस्तान्तरण गरिरहेको समेत घिमिरेले जानकारी दिएका छन् । आफु बाचे देश र जनताको लागि केही गर्ने सोच राखेको बिरामी पौडेलले बताए ।
बेलका नगरपालिका रामपुर निवासी सामाजिक क्षेत्रमा काम गर्दै आएका सक्रिय युवा हाल अमेरिकामा बसोबास गर्र्ने सबिन थापाले अमेरिकाबाट साथीहरू सँग एक लाख रकम उठाएर सिबराजको उपचारको लागि सहयोग प्रदान गरेका छन् ।

उक्त रकम कांग्रेस नेता अशोक कार्की, अनेरास्ववियू का केन्द्रिय सदस्य भरत घिमिरे र स्थानीय समाजसेवी बिकास खत्रीले बिरामीलाई भटेर प्रदान गरेको अनेरास्ववियूका नेता घिमिरेले बताए ।