भारतमा पनि कोरोना भाइरसबाट एक जनाको मृत्यु

कोरोना भाइरसबाट भारतमा पनि एक जनाको मृत्यु भएको छ । भारतीय सञ्चार माध्यमहरुका अनुसार, कर्नाटक कलबुर्गीका ७६ वर्षीय बृद्धको कोरोना भाइरसको संक्रमणबाट मृत्यु भएको हो ।कर्नाटक राज्य स्वास्थ्य तथा परिवार कल्याण विभागका अनुसार, मंगलबार ती पुरुषको मृत्यु जनाएकाे थियाे। स्वास्थ्य रिपोर्ट आएपछि उनलाई कोरोनाको संक्रमण देखिएको पुष्टि भएको हो ।

विभागले भनेको छ, “ती मृतकको सम्पर्कमा आएकाहरुको खोजी भइरको छ । र सम्पर्कमा रहेकाहरुलाई आइसोलेसनमा राखिएको छ ।”ती मृतक बिरामी तेलंगाको एक निजी अस्पतालमा समेत गएकाले त्यहाँ पनि यसबारे सचेत गराइएको छ । भारत सरकारले ती व्यक्ति साउदी अरवबाट फर्किएको जनाएको छ ।

६ मार्चमा विरामी देखिए पछि घरमै उपचार गराएका थिए । तर, उनलाई ठीक नभएपछि ९ मार्चमा अस्पताल भर्ना गरिएको थियो ।