कांग्रेसले तीन दिन पार्टी झण्डा आधा झुकाउने

नेपाली कांग्रेसले पूर्व मन्त्री पूर्णकुमार शेर्माको श्रद्धाञ्जलीमा तीन दिन झण्डा आधा झुकाउने भएको छ ।

शुक्रबार कांग्रेस केन्द्रीय मूख्यालय सानेपाले बक्तव्य जारी गर्दै तीन दिनसम्म शोक मनाउने जनाएको छ । १२ असोज २००० मा जन्मिएका शेर्माको २८ फागुनमा ललितपुरको निदान अस्पतालमा मृत्यु भएको थियो ।

कांग्रेसले शेर्माको श्रद्धाञ्जलीका लागि ३० फागुन देखि २ चैतसम्म केन्द्रीय र जिल्ला पार्टी कार्यालयमा झण्डा आधा झुकाउने र २ चैतमा सवै कार्यालय बन्द गर्ने भएको छ । कांग्रेसले तेह्रौं दिन केन्द्र र सवै जिल्लामा श्रद्धाञ्जली कार्यक्रम आयोजना गर्ने भएको छ ।