नदिमा बेपत्ता भएका भारतीय नागरिक एपीएफ टोलीद्वारा फेला

 सेल्फि खिच्दा धनकुटाको मुलघाट स्थित तमोर नदिमा खसी बेपत्ता भएका बर्ष २६ का भारतीय नागरिक भिनित शर्माको शवलाई एपीएफ टोलीले सातदिन पछि आज फेला पारेको छ ।
नोवेल मेडिकल कलेज बिराटनगरमा अध्ययनरत शर्मा फागुन २४ गते तमोर नदि किनारमा फोटो खिच्ने क्रममा नदिमा खसेका थिए ।
शर्मा नदिमा खसेको जानकारी पाउना साथ सशस्त्र प्रहरी बल नेपाल नम्बर ६ गुल्म हेक्वा छिन्ताङ्ग धनकुटाबाट सशस्त्र प्रहरी नायव उपरीक्षक सचिन कर्माचार्यसहित एपीएफ अधिकृत विल्लादार तथा जवानहरु निरन्तर खोजी तथा उद्वार कार्यमा जुटेका थिए ।
उद्वार कार्यका लागि तीन जना गोताखोरसहित १५ जना विपद् व्यवस्थापन तालिम प्राप्त उद्वार टोली आवश्यक उद्वार सामाग्रीसहित खटिएको सशस्त्र प्रहरी बल नेपाल नम्बर ६ गुल्म हेक्वा छिन्ताङ्ग धनकुटाका सशस्त्र प्रहरी नायव उपरीक्षक सचिन कर्माचायले जानकारी दिनु भयो ।
उहाँका अनुसार एपीएफ टोलीले निरन्तरको प्रयासपछि सहिदभूमी गाउँपालिका वडा नं. १ स्थित गोपालपुर भन्ने ठाउँबाट सशस्त्र प्रहरी सहायक निरीक्षक मनोज श्रेष्ठको कमाण्डमा रहेको एपीएफ टोलीले शुक्रबार दिउँसो निज शर्माको शव फेला पारेको हो ।
नदिमा फेला परेको उक्त शव एपीएफ टोलीले डोरी तथा स्टे«चरको सहायताले शवलाई नदिको वहाव तीब्र भएको कारण कठिनाईका वावजुद अथक मेहनतकासाथ उद्वार कार्य गरेको छ ।
उक्त ठाउँमा हुने यस्ता घटना दुर्घटनाका बेला उकृष्ट उद्वार कार्यका लागि चौविसै घण्टा एपीएफ टोली उच्च सतर्कतामा राखिएको कार्यालयले जनाएको छ ।
सशस्त्र प्रहरी बलका गोताखोर टोलीले जमेको पानी वा पोखरीमा ७० फिट गहिराई सम्म पुगेर खोजी तथा उद्वार कार्य गर्नसक्ने क्षमता राख्ने भएकाले सव खोज्न शहज भएको हो ।
उक्त टोली एक पटक पानीभित्र पसेपछि लगातार रुपमा ४५ मिनेटसम्म खोजीकार्य गर्न सक्ने र निकै जोखिमपूर्ण रहेको नदिभित्र खोजी तथा उद्वार कार्यका लागि गोताखोरले रवरबोट, अक्सिजन सिलिण्डर, प्रेसरगेज, डेब्थगेज, वेटसुट, फिन्स, ग्लोब्स, सर्चलाईट, माउथपिस लगायतका विभिन्न उद्वार सामाग्री प्रयोग गर्ने गरेका छन् ।
एपीएफ टोली, स्थानीय जनता तथा अन्य निकायहरुको समेत सहयोगले सात दिन पछि बल्ल फेला पारेको छ ।