बराह युवाहरु बाट थप १५ घरमा राहत

चतरा बराहक्षेत्रमा स्थानिय सरकारको राहत वितरण ढिलो हुँदा भोकभोकै बस्नुपर्ने अवस्थामा पुगेको सिमान्तकृत गरिबहरुका घरमा बराह युथ क्लबका युवाहरुले सोमवार पनि राहत पुर्याउनको कार्य जारी राखे । यसअघि आइतवार वराहक्षेत्र १ र २ को विभिन्न टोलमा गरिबहरुका ४० घरमा राहत पुर्याएको युवाहरुले दोश्रो दिन पनि थप परिवार लाई घरैमा राहत पुर्याएका हुन् ।
क्लवका अध्यक्ष साजन राईका अनुसार आइतवार राहत बाँडिएका बस्तिमा सोमवार पनि थप १५ परिवारका घर घर पुगेर राहत प्रदान गरिएको हो । उनिहरु लाई प्रति परिवार १० केजि चामल, २ केजि दाल, २ केजि आलु, १ पोका तेल, १÷१ थान लुगा धुने, नुहाउने, भाँडा माझ्ने सावुन, एक थान मन्जन प्रदान गरिएको छ । क्लवले आइतवार वराहक्षेत्र १ को भण्डारिटार, खहरे, आइरिस टोट, लाल वस्ति, खारखोला, वगुवा र वडा २ को हाटखोला, पुनरवास, रेल्वेलाइन, जोरखम्वा, जब्दिका ४० गरिब परिवारलाई राहत स्वरुप खाद्यन प्रदान गरेको थियो ।