मनकारी युवा नारायण तिवारी (सानु) लेघर घरमा राहात लियर पुगे

जीवन फुयाल इटहरी/कोरोना अर्थात (COVID-19)को गाउपालीका को बाटो हेरेर बसेका बिपन्न परिवार को घर घरमा राहात लियर पुगे (सानू )तिवारीमहामारी बाट त्रसित सिंगो विश्व नै अहिले लकडाउन को मर्कामा छ । यतिबेला दैनिक रोजिरोटि गर्ने ज्यालादारीको छाक टार्न हम्मे छ विपत्तिको घडिमा राहात कखडा गरि लक्षित वर्गमा राहात बाड्ने काम भईरहेको छ । यसै सन्दर्भमातिवारीले 
लकडाउनका कारण वैशाख १६ गते धनकुटा र तेह्रथुमको नाकामा पर्ने चित्रैमा ६ सय बढी मजदुर अलपत्र परे ।
स्थानीय निकायको पहलबाट तराईका विभिन्न जिल्लामा मजदुरी गर्ने २७३ जना पहाडी जिल्ला हिँडेका र पहाडी जिल्लाबाट तराई घर झरेका ३२९ जना मजदुर सवार बसलाई चित्रेमा प्रशासनले रोकेपछि बिच जङ्गलमा उनीहरू अलपत्र परेका थिए । डेढ दिनदेखि अलपत्र परेका मजदुर मध्ये केही बिमारी थिए । एक जिल्लाबाट अर्को जिल्ला प्रवेशमा रोक लगाएपछि उनीहरू भोक भोकै बसमा रात कटाए । उनीहरूको अवस्था प्रति कोही उदार भएनन् ।
तर भोजपुर घर भई हाल इटहरी निवासी निर्माण व्यवसायी सानु तिवारीको नजरमा उनीहरूको पिडा झल्कियो । तिवारीले तत्कालै उनीहरूलाई पहिलो प्राथमिकतामा खानाको व्यवस्था गरिदिए ।
जङ्गलमा अलपत्र परेका मज्दुरहरुलाई तिवारीले सोही स्थानमा खानाको व्यवस्था गरिदिए । बिरामी केही मजदुरको चिकित्सक पहलमा उपचार समेत गरियो । घर पुग्नलाई बाटोमा आवश्यक पर्ने खाद्यान्न सामाग्री, माक्स तथा कपडा आदी तिवारी एक्लैले बन्दोबस्त गरिदिए । पछि प्रशासनको मद्दत जङ्गलमा अलपत्र सबै मज्दुरहरुलाई अर्को गाडी व्यवस्थापन गरी घर घर पुराइदिए ।

दुःख पिडामा परेकाहरूलाई जीवनमा धेरै सहयोग गरेका तिवारी लकडाउनले अहिले खाना खान मुस्किल परेको विपन्न परिवारलाई खोजी खोजी राहत बढ्ने अभियानमा छन् । युवा निर्माण व्यवसायी तिवारीले आफ्नो जन्मथलो भोजपुरको तिवारी भन्ज्याङमै पुगेर १ सय ८० विपन्न परिवारलाई खाद्यान्न सहित स्वास्थ्य सामग्री वितरण गरिसेका छन् । तिवारी अहिले भोजपुर घर भई विभिन्न जिल्लामा बस्ने निम्न आय भएका परिवार, विद्यार्थी तथा मजदुर लगायतलाई घर घर पुगेर राहत बाढिरहेका छन् ।
व्यक्तिगत खर्चमा तिवारीले अहिलेसम्म १० लाख रुपैंया बढीको खाद्यान्न र स्वास्थ्य सामग्री खरिद गरी टोल बस्तीमै पुगेर वितरण गरेका हुन् । तिवारीको पहलमा अहिले सुनसरी र मोरङ बस्नै भोजपुरवासी २०३ परिवारलाई प्रति परिवार ३० केजी चामल, तेल, नुन र दाल प्याकेजमा राहत उपलब्ध गराएका छन् । अन्य जिल्लामा समेत रहेका भोजपुरवासीलाई तिवारीले राहत सहयोग गर्ने घोषणा गरिसकेका छन् ।

स्थानीय सरकारको नजरमा नपरेका परिवारहरूलाई व्यक्तिगत रूपमा खाद्यान्न खरिद गरेर वितरण गरेको उनी बताउँछन् । ‘सानो सहयोगले २०३ परिवार खुसी मात्र भएनन्, राज्यलाई समेत सहयोग भयो’ उनले भने ‘लकडाउनको समय बढे अझै सहयोग गछौ’ । विश्व कोरोना आतङ्कले थलिएको छ । राज्यले आफ्नो ठाउँमा गरिरहेको छ, यसमा सङ्घ संस्था र हामी जस्ता जिम्मेवार नागरिकको पनि कर्तव्य हुन आउँछ,’ सानु भन्छन् ‘यो सङ्कटको अवस्थामा तराईमा बसोबास गरिरहेका कोही पनि भोजपुरबासी भोको रहनु हुँदैन भन्नेमा मेरो जोड छ ।’ उनले कोही भोकै हुने अवस्था भए आफूसँग सम्पर्क गर्न आग्रह गरेका छन् ।
तिवारीले लकडाउनका कारण सङ्कटमा परेका विपन्न वर्गलाई सहयोग गर्न पाउँदा अत्यन्त खुसी भएको बताए । ‘दुःखमा परेकाहरूलाई आफै सहभागी भएर सहयोग गर्न पाउँदा मलाई करोडको खुसी मिलेको छ’, उनले भने ।