काठमाण्डाै । काेरोना संक्रमणका कारण वीरगन्जवासी जगदम्बा इन्टर प्राइजेजका प्रमुख कार्यकारी अधिकृत (सीईओ)काे निधन भएकाे छ। वीरगन्जस्थित गण्डक कोभिड अस्पतालमा उपचारका क्रममा बिहीबार राति ५६ वर्षीय भारतीय नागरिक उनकाे निधन भएकाे हाे। भेन्टिलेटरमा राखेर उपचार गर्दा पनि उनलाई बचाउन नसकिएको नारायणी अस्पतालका मेडिकल सुपरीटेन्डेन्ट डा.मदन उपाध्यायले जानकारी दिए।
भारतको दिल्ली घर भएका उनी वीरगञ्ज–११ श्रीपुरमा बस्दै आएका थिए। ‘उहाँलाई ७ साउनदेखि आइसियुमा राखेर उपचार सुरु गरिएको थियो,’ उपाध्यायले भने, ‘स्वास्थ्य थप जटिल भएपछि बिहीबार दिउँसोदेखि भने भेन्टिलेटरमा राखिएको थियो, तर राति ११ बजे उहाँको निधन भयो।’मुटुको रोगी उनलाई ६ साउनमा कोरोना पुष्टि भएको उपाध्यायले बताए।
उनको शव हाल वीरगञ्ज कोभिड अस्पतालमै छ। शवको वीरगञ्जमै अन्त्यष्टि गरिने उपाध्यायले जानकारी दिए। ‘उनी भारतीय नागरिक भएपनि शव उता पठाइँदैन। वीरगञ्जमै अन्त्यष्टि हुन्छ,’ उपाध्यायले भने।
प्रतिक्रिया दिनुहोस
कम्पनी दर्ता प्रमाणपत्र नं.: २०५७२३/७५/७६ / स्थायी लेखा नं.: ६०६५२१६७९
Copyright © 2017 / 2024 - Samayaonline.com All rights reserved