काेराेनाकाे हटस्पट बन्दै विराटनगर : संक्रमितकाे संख्या दुई सय ७८ पुग्याे

विराटनगर / विराटनगरमा २२ जना कोरोना भाइरसका नयाँ संक्रमित थपिएका छन् । नयाँ थपिएका मध्ये एउटै वडाका ११ जना छन् ।शनिबारराति प्राप्त पछिल्लो पीसीआर परीक्षण रिपोर्टअनुसार विराटनगर महानगरपालिका–९ का ११ जनामा संक्रमण देखिएको छ । विराटनगर–१५ का एक, १४ का दुई, १२ का एक, ११ का एक, १० का दुई, ६ का एक, ३ का दुई जनामा कोरोना देखिएको छ । एक जनाको वडा खुलाइएको छैन ।

विराटनगरमै गरिएको परीक्षणबाट मोरङको जहदाका एक र प्रदेश २ का चार जनामा पनि कोरोना देखिएको छ । २२ जना नयाँ बिरामी थपिएसँगै विराटनगरमा कोरोना संक्रमितको संख्या दुई सय ७८ पुगेको महानगरको जनस्वास्थ्य महाशाखा प्रमुख रमेश कार्कीले बताए । विराटनगरमा हिजो दिउँसो ३३ जना संक्रमित थपिएका थिए ।