असोज २४ गते जिल्ला प्रहरी कार्यालय सुनसरीको हिरासतमा रहेका थुनुवाको आत्महत्या घटनाको अनुसन्धानको लागि गृह मन्त्रालयको अध्ययन तथा छानबिन समितिले घटनाको छानबिन गरि फर्किएको छ ।
गत ७ गते गृह मन्त्रालयका सहसचिव थानेश्वर गौतमको संयोजकत्वमा बनेको छानबिन समितिले इनरुवा आएर दुई दिन घटनाको छानबिन गरि फिर्किएको हो ।
छानबिन समितिमा गौतमसहित प्रहरी प्रधान कार्यालयका प्रहरी उपरीक्षक प्रविण पोखरेल, राष्ट्रिय अनुसन्धान विभागका उप अनुसन्धान निर्देशक विकास पाण्डे र कारागार व्यवस्थापन विभागका शाखा अधिकृत गणेश गौतम इनरुवा आएका थिए ।
छानबिन समितिले हिरासत भित्र कसरी थुनुवाले आत्महत्या गर्न सम्भवत भयो भन्ने विषयमा जिल्ला प्रहरी कार्यालय सुनसरीका प्रमुख प्रहरी उपरीक्षक सञ्जय सिंह थापा, डीएसपी नरेन्द्र कार्कीसँग बयान लिएको थियो । यस्तै घटना हुदाँका डिउटी अफिसर, सेन्ट्री कमान्डर र सेन्ट्रीहरुसँग घटनासँग पनि बयान लिएको छ । घटना हुँदा असई बिरेन्द्र यादव डिउटी अफिसर थिए भने हबलदारको कमान्डमा ४ जना प्रहरी सेन्ट्रीमा खटिएका थिए ।
छानबिन समितिले प्रहरी अलावा हिरासतमा रहेका केही थुनुवाहरुसग पनि सोधपुछ गरेको थियो । समितिले घटना हुदाको सिसिटिभी फुटेजको समेत अध्ययन गरेको छ ।
यस्तै छानबिन समितिले मृतक परिवारका आफन्तसँग पनि भेटघाट गरेको थियो । गौतमको संयोजकत्वमा रहेको छानबिन समितिले अन्य जिल्लामा पनि हिरासत तथा कारागारमा घटेका घटनाको छानबिन गरि सुझावसहितको प्रतिवेदन सार्वजनिक गर्ने बताइएको छ ।
यता जिल्लागत हिसाबले सुनसरीका सहायक प्रजिअ आनन्द पौडेलको नेतृत्वमा बनेको छानबिन समितिले पनि काम गरिरहेको छ । ७ सदस्य समितिले प्रहरी हिरासत भएको घटना र त्यसपछि परिस्थितिको अध्ययन अनुसन्धान गरिरहेको सहायक प्रजिअ आनन्द पौडेलले अपराध न्युजलाई जानकारी दिए ।
‘छानबिन भइरहेको छ,स्थानीय तहका जनप्रतिनिधि पनि छानबिन समितिमा छन्’ पौडेलले भने ‘अब मृतक परिवारसँग भेटघाट गर्न बाँकी छ ।’ गृह मन्त्रालयबाट आएको छानबिन समितिले आफ्नो काम सकेर फर्किएको समेत पौडेलले जानकारी दिए ।
गत असोज २४ गते अभद्र व्यवहारको कसुरमा भोक्राहा ५ का २५ वर्षीय मोहम्मद हकिम साहले हिरासत भित्रै पासो लगाए आत्महत्या गरेका थिए । यो घटनापछि मृतक परिवारले प्रहरीमाथि आक्रोश पोख्दै प्रर्दशन गरेका थिए । जस कारण प्रहरीसहित धेरै सङ्ख्यामा प्रर्दशनकारी घाइते भएका थिए भने एक घरमा आगजनी गरिएको थि
प्रतिक्रिया दिनुहोस
कम्पनी दर्ता प्रमाणपत्र नं.: २०५७२३/७५/७६ / स्थायी लेखा नं.: ६०६५२१६७९
Copyright © 2017 / 2024 - Samayaonline.com All rights reserved