राजीनामा दिँदै भीम आचार्य, राजेन्द्र राई भन्छन् : मुख्यमन्त्री हुँदै

१ का मुख्यमन्त्री भिम प्रसाद आचार्यले प्रस्ताव गरेको विस्वासको मतको प्रस्तावमाथि आज मतदान हुंदै छ । आज दिउसो १२ः ३० मा डाकिएको प्रदेश सभाको बैठकमा मत विभाज गरिने प्रदेश सभा सचिवालयले जनाएको छ ।

यस अघि गत कार्तिक ७ गते नै मत विभाजनको कार्यसूचि रहेको थियो तर, एमाले र कांग्रेसको आग्रमा बैठक कात्तिक १५ गतेसम्मलाई सूचना टाँस गरेर स्थगित भएको थियो । यसैबिच प्रदेश १ को विपक्षी गठबन्धनले प्रदेशसभामा हुने विश्वासको मत सम्बन्धि मत विभाजनमा मुख्यमन्त्री भीम आचार्यको विपक्षमा मतदान गर्ने निर्णय गरेको छ ।

गठबन्धनले नेकपा एकीकृत समाजवादीका नेता राजेन्द्र राईलाई भावी मुख्यमन्त्रीका रुपमा प्रस्ताव गर्ने निर्णय समेत गरेको नेता राईले जानकारी दिए । गठबन्धनको निर्णयअनुसार आफू मुख्यमन्त्री बन्ने उनको भनाई छ । सरकार लामो समय अबैधानीक ढंगले चलेको उल्लेख गर्दै उाले यस अबधिमा भएगरेका निर्णलाई समेत हेर्नुपर्ने बताएका छन् ।

प्रदेशसभामा सत्तारुढ एमाले अल्पमतमा छ भने विपक्षी गठबन्धन बहुमतको अवस्थामा छ । ९२ सदस्यीय प्रदेशसभामा बहुमतको लागि ४७ मत आवश्यक पर्नेमा आचार्यले ३९ मत मात्र पाउने अवस्था देखिएको छ । प्रदेशसभामा एमालेका ४१ सांसद रहे पनि सभामुख प्रदिपकुमार भण्डारीले निर्णायक मत मात्र दिन पाउने र गुलेफुन मियाँ फरार छन् ।

विपक्षी गठनबन्धन भने ५० मतसहित नयाँ सरकार निर्माणको तयारीमा छन । गठबन्धनमा नेपाली काँग्रेसका २१, नेकपा माओवादी केन्द्रका १५, नेकपा एकीकृत समाजवादीका १०, जनता समाजवादी पार्टीका ३ र संघीय लोकतान्त्रिक राष्ट्रिय मञ्चका १ सांसद छन् । राप्रपाका १ सांसद भने कतै खुलेको अवस्था छैन ।