माओवादी केन्द्रको नयाँ नेतृत्व सहमतिबाटै चयन गर्ने प्रयास जारी, खुमलटारमा शीर्ष नेताहरूको छलफल

काठमाडाैं ।  माओवादी केन्द्रको पदाधिकारी सहित केन्द्रिय टुंगो लगाउन आज स्थायी समिति बैठक बस्दै छ।विहान ११ बजे प्रज्ञा प्रतिष्ठान मै बैठक बस्न लागेको हो । हिजो नै केन्द्रिय सदस्यको नाम प्रस्ताव गर्ने तयारी भए पनि केही प्रदेशमा क्लष्टर मिलाउन सकस भएपछि निर्वाचन कार्यक्रम नै स्थगन गरिएको छ ।

स्थायी समिति बैठक बस्नुअघि अध्यक्ष प्रचण्डले शीर्ष नेताहरू नारायणकाजी श्रेष्ठ, कृष्ण बहादुर महरा लगायतसंग अहिले खुमलटार निवासमै छलफल गरिरहेका छन्। प्रचण्डले प्रदेशबाट प्राप्त भएका नामहरु बारे छलफल गरेर स्थायी समितिमा पेश गर्ने र त्यहा पास भएका नामहरु बन्दसत्र हलमा पेश गर्ने तयारी गरेका छन् ।