कर्मचारी कोरोना सङ्क्रमित भएपछि इनरुवा नगरको सेवा स्थगित

इटहरी ।कर्मचारी कोरोना सङ्क्रमित भइ कार्यालयमा उपस्थित हुन नसकेपछि सुनसरीको इनरुवा नगरपालिकाले कार्यालयबाट प्रदान गरिने सेवा स्थगित गरेको छ । 

कार्यालयमा रहेका कर्मचारीसमेत सङ्क्रमित भएपछि आज (बिहीबार)देखि आउँदो १३ गतेसम्म अत्यावश्यकबाहेकका काम नहुने भन्दै नगरले सूचना जारी गरेको हो । 

अत्यावश्यक सेवा र कार्यालयका आन्तरिक कामबाहेक कार्यालयका अरू काम नहुने नगर प्रमुख राजन मेहताद्वारा हस्ताक्षरित विज्ञप्तिमा उल्लेख छ ।