राष्ट्रियसभामा सातै प्रदेशबाट १९ सदस्य निर्वाचित (निर्वाचन आयोगको विवरणसहित)

काठमाडाै । राष्ट्रिसभा निर्वाचनमा देशका सातै प्रदेशमा आज (बुधबार) भएको मतदानको अन्तिम परिणाम निर्वाचन आयोगले सार्वजनिक गरेको छ । आजको निर्वाचनमा सातै प्रदेशमा १९ पदका लागि ४३ जनाले उम्मेदवारी दर्ता गरेका थिए । 

आयोगले सार्वजनिक गरेको मतपरिणामअनुसार प्रदेश नम्बर १ बाट जयन्तीदेवी राई, सोनामगेल्जेन शेर्पा र गोपाल बस्नेत, मधेसबाट उर्मिला अर्याल र मोहम्मद खालिद, वाग्मतीबाट गोमादेवी तिमिल्सिना र कृष्णप्रसाद पौडेल र गण्डकीबाट कमला पन्त, भुवनबहादुर सुनार र सुरेशकुमार आलेमगर निर्वाचित भएका छन् । 

लुम्बिनी प्रदेशबाट राजेन्द्रलक्ष्मी गैरे, तुलप्रसाद विश्वकर्मा र युवराज शर्मा, कर्णालीबाट नरबहादुर विष्ट र उदयबहादुर बोहोरा तथा सुदूरपश्चिमबाट मदनकुमारी साह गरिमा, जगतबहादुर पार्की र नारायणदत्त मिश्र विजयी भएका हुन् । राष्ट्रियसभाका ५९ सदस्यमध्ये १९ जनाको पदावधि आउँदो फागुन २० मा सकिँदै छ । 

नेपाल कम्युनिस्ट पार्टी (एमाले)का आठ, नेपाल कम्युनिस्ट पार्टी (एकीकृत समाजवादी)का चार, नेपाल कम्युनिस्ट पार्टी (माओवादी केन्द्र)का चार र  नेपाली काङ्ग्रेसका तीन राष्ट्रियसभा सदस्यको पदावधि सकिने भएकाले ती रिक्त स्थानका लागि निर्वाचन भएको हो । सदस्यको पदावधि समाप्त हुन ३५ दिनघि नै निर्वाचन गर्नुपर्ने प्रावधान छ । 

उनीहरूको पदावधि सकिने भएपनि आज ती पदमा निर्वाचन भएको हो । छ वर्षे कार्यकाल रहने राष्ट्रियसभाका प्रत्येक एकतिहाई सदस्यको कार्यकाल दुई वर्ष, चार वर्ष र छ वर्षमा सकिँदै जान्छ ।

आज सम्पन्न निर्वाचनको अन्तिम परिणाम यस्तो छ :