इलाममा पिकअप दुर्घटना : २ जनाको मृत्यु १ जना घाइते

इलाम । इलामको रोङ गाउँपालिका–४ मा आज बिहान भएको पिकअप दुर्घटनामा परी दुई जनाको मृत्यु भएको छ ।

झापाबाट इलामतर्फ जाँदै गरेको प्रदेश १–०१–००१ च ७९१६ नम्बरको पिकअप आफैं अनियन्त्रीत भई सडकबाट अन्दाजी ५०० मिटर तल खसेको थियो । बिहान पौने ६ बजेको समयमा भएको दुर्घटनामा पिकअपमा सवार रहेका मेचिनगर नगरपालिका–४ झापा ५५ वर्षीय रमेश थापा र ४० वर्षीय सूर्यबहादुर थापाको घटनास्थलमा नै मृत्यु भएको जिल्ला प्रहरी कार्यालय इलामले जनाएको छ ।

घटनास्थलमा इलाका प्रहरी कार्यालय पशुपतिनगरबाट प्रहरी टोली खटि गई घाइते भएका पिकअप चालकलाई उपचारको लागी विएण्डसि अस्पताल झापातर्फ पठाइएको तथा घटना सम्बन्धमा थप अनुसन्धान भईरहेको उक्त कार्यालयले जनाएको छ ।