सुन्दरहरैंचा सामूहिक बलात्कार प्रकरण : होटल संचालकसहित ३ जना पक्राउ

६टहरी । बेलबारीकी एक महिलालाई होटलमा लगेर सामूहिक बलात्कार गरेको अभियोगमा होटल संचालक सहित तीन जनालाई प्रहरीले पक्राउ गरेको छ ।

मोरङको सुन्दरहरैंचा नगरपालिका ४ बलिया स्थितमा रहेको श्रेष्ठ होटल एण्ड फेमेली होटलमा ३५ वर्षीय महिलामाथि जवरजस्ती करणी गरेको अभियोगमा उनीहरु पक्राउ परेका हुन् ।

पक्राउ पर्नेमा मोरङ सुन्दरहरैचा नगरपालिका ४ बलिया चौकका होटल संचालक ३५ वर्षीय अर्जुन कुमार श्रेष्ठ, सोही स्थानका २५ वर्षीय सुरज श्रेष्ठ र झापा मेचीनगर नगरपालिका ३ का २५ वर्षीय राम वहादुर नेपाली भन्ने सुधान्सु दर्जी रहेका छन् ।

उनीहरुले गत माघ ७ गते बेलुका साढे ५ बजे महिला इटहरीबाट घर फर्कने क्रममा गछिया खोलाको पुल नजिकबाट घर पुर्याई दिन्छु भनि गाडीमा चढाएर उक्त होटलमा पुर्याई जबरजस्ती करणी गरेको खुल्न आएको छ ।

गत माघ ८ गते सो घटनाको जानकारी पाएको ईलाका प्रहरी कार्यालय बेलबारीबाट खटिएको प्रहरी टोलीले तत्काल होटल संचालक अर्जुनकुमार श्रेष्ठ र सुरज श्रेष्ठ नियन्त्रणमा लिएको थियो । तत्काल सो घटना घटाई फरार रहेका राम बहादुर नेपाली भन्ने सुधान्सु दर्जीलाई भने गत ११ गते ईलाम सुर्योदय नगरपालिका १२ तिनघरेबाट प्रहरीले पक्राउ गरेको हो ।

पक्राउ परेका तीनैजनाविरुद्ध जबरजस्ती करणी मुद्दामा म्याद थप गरि अनुसन्धान प्रक्रिया अगाडि बढाएको प्रहरीले जनाएको छ ।