नेत्रविक्रम चन्द ‘विप्लव’ नेतृत्वको नेपाल कम्यनिस्ट पार्टी (नेकपा)ले जनताबाट निर्वाचित जनप्रतिनिधिहरूलाई दुर्व्यवहार गर्न थालेको छ । नेकपाका नेता कार्यकर्ताले अराजक गतिविधि गर्न थालेको आरोप छ ।
नेकपाले कानूनी शासनलाई चुनौती दिँदै जनप्रतिनिधिहरूमाथि दुर्व्यवहार गरेको हो । नेकपाका कार्यकर्ताले दुर्गमका गाउँपालिकाका जनप्रतिनिधिहरूलाई निशाना बनाएका छन् ।
बझाङ जिल्लाको मष्टा गाउँपालिकाका अध्यक्ष कृष्णबहादुर कठायतलाई नेकपाका कार्यकर्ताले दुर्व्यवहार गर्दै कालोमोसो दलेका छन् ।
तत्कालीन नेकपा (एमाले)बाट अध्यक्षमा निर्वाचित अध्यक्ष कठायतलाई नेकपाका कार्यकर्ताले कालो मोसो दलेका हुन् ।
अध्यक्ष कठायतलाई नेकपाले कमिसन खाएको, कार्यालय समयमै मदिरा सेवन गरेको, बजेट वितरणमा मनोमानी गरेको जस्ता आरोप लगाएको छ ।
केही दिन अगाडि बझाङ जिल्लाको साइपाल गाउँपालिकाका कार्यकारी अधिकृत राधाकृष्ण जोशीलाई नेकपाका कार्यकर्ताले कालोमोसो दलेका छन् ।
