धरानबाट लागूऔषधसहित सातजना पक्राउ

इटहरी । धरान उपमहानगरपालिका १३ बाट प्रतिवन्धित लागूऔषध ब्राउनसुगरसहित सातजनालाई प्रहरीले पक्राउ गरेको छ ।

पक्राउ पर्नेमा धरान १३ का २९ वर्षीय भरत मगर, २७ वर्षीय ओम प्रकाश नेम्वाङ, २६ वर्षीय सुजन श्रेष्ठ, ३० वर्षीय मन्दिप मगर, धरान १९ का २६ वर्षीय जनम मगर, धरान ३ का २० वर्षीय सारङ खड्गी र २२ वर्षीय राजीव मगर रहेका छन् ।

संघीय प्रहरी इकाई कार्यलय धरान र इलाका प्रहरी कार्यालय धरानबाट खटिएको प्रहरी टोलीले उनीहरूबाट ३१ ग्राम ब्राउनसुगर बरामद गरेको हो ।

प्रतिबन्धित लागूऔषध ब्राउनसुगरसहित पक्राउ परेका सातै जनालाई इलाका प्रहरी कार्यालय धरानबाट थप अनुसन्धान तथा कारबाही सुरु भएको प्रहरीले जनाएको छ ।