प्रदेश १ सरकारले सार्वजनिक गर्‍यो मन्त्रालयको विवरण

इटहरी । प्रदेश १ सरकारले १२ वटा मन्त्रालयको विवरण सार्वजनिक गरेको छ । मङ्गलबार सरकारले चार मन्त्रालय विभाजन गरी बनाएको १२ वटा मन्त्रालयको विवरण सार्वजनिक गरेको हो ।

प्रदेश सरकारले उद्योग, पर्यटन, वन तथा वातावरण मन्त्रालय, भूमि व्यवस्था, कृषि तथा सहकारी मन्त्रालय, भौतिक पूर्वाधार विकास मन्त्रालय र सामाजिक विकास मन्त्रालय गरी चार मन्त्रायल विभाजन गरेर मन्त्रालयको सङ्ख्या १२ पुर्‍याएको हो ।

प्रदेश सरकारले सामाजिक विकास मन्त्रालय फुटाएर सामाजिक विकास मन्त्रालय र स्वास्थ्य मन्त्रालय बनाएको छ । उद्योग, पर्यटन, वन तथा वातावरण मन्त्रालय फुटाएर तीन वटा मन्त्रालय बनाएको छ ।

उद्योग, श्रम तथा रोजगार मन्त्रालय, वन, वातावरण तथा भू–संरक्षण मन्त्रालय र संस्कृति तथा पर्यटन मन्त्रालय बनाएको  हो । भौतिक पूर्वाधार विकास मन्त्रालय विभाजन गरी  सडक पूर्वाधार तथा सहरी विकास मन्त्रालय र खानेपानी, ऊर्जा तथा सिँचाइ मन्त्रालय बनाएको हो । 

भूमि व्यवस्था, कषि तथा सहकारी मन्त्रालय फुटाएर कृषि तथा पशुपक्षी विकास मन्त्रालय बनाएको छ । सोही मन्त्रालयमा रहेको भूमि व्यवस्था सहकारी र भौतिक पूर्वाधार मन्त्रालय मातहतको यातायातलाई जोडेर भूमि, सहकारी तथा यातायात मन्त्रालय बनाएको छ ।