इटहरीमा पार्किङ गरेर राखेको मोटरसाइकल चोरी, तीनजना पक्राउ

इटहरी : इटहरीमा पार्किङ गरेर राखेको मोटरसाइकल चोरी भएको छ ।इलाका प्रहरी कार्यालय इटहरीका अनुसार अघिल्लो शुक्रबार मोरङको रंगेली बस्ने पंकज झा को प्र–१–०२–०४४ प ८१०१ नम्बरको २२० पल्सर मोटरसाइकल इटहरी ६ स्थित गोरखा डिपार्टमेन्ट स्टोर अगाडिबाट चोरी भएको थियो ।

पार्किङ गरेर राखेको स्थानबाटै मोटरसाइकल चोरी भएको उजुरीका आधारमा प्रहरीले तीनजनालाई पक्राउ गरेको छ ।पक्राउ पर्नेमा मोरङ कानेपोखरी गाउँपालिका ५ बस्ने २१ वर्षीय सुशान्त चौधरी, सोही सथन बस्ने बुद्विमान श्रेष्ठ र इटहरी ८ बस्ने २७ वर्षीय मनिष चौधरी रहेका छन् ।

उनीहरूलाई इलाका प्रहरी कार्यालय रंगेली मोरङको डानिया चौकमा माघ १९ गते बुधबार मोटरसाइकल सहित पक्राउ गरिएको हो ।

पक्राउ परेका उनीहरूमाथि सुनसरी जिल्ला अदालतबाट मुलुकी अपराध संहिता २०७४ अन्तर्गत चोरी मुद्दामा सातदिनको म्याद थप गरी आवश्यक अनुसन्धान तथा कारबाही अगाडि बढाइएको प्रहरीले जनाएको छ ।