मगमग चाउचाउ उद्योगमा आगलागी

झापा । झापा मेचीनगर  नगरपालिका १४ दुहागडीमा रहेको  मगमग चाउचाउ कारखानामा  डेढ घण्टा अघिदेखि आगलागी भइरहेको छ।

बिहान ५ बजेदेखि लागेको आगो निभाउन अहिले ५ वटा दमकलले प्रयास गरिरहेका छन् ।आगो नियन्त्रणमा आउने कुनै लक्षण देखिएको छैन ।

आगो नियन्त्रणका लागि मोरङ, सुनसरी र इलामका दमकल आउँदै गरेको जनाइएको छ। यो झापाको एकमात्र चाउचाउ उद्योग हो ।

केही दिन अघि मेचीनगर ६ काँकडभिट्टाको एसएस फुटवेयरमा भएको भीषण आगलागीमा साढे आठ करोड बढीको क्षति भएको थियोे ।