इटहरी / इटहरी उपमहानगरपालिका क्षेत्रमा सार्वजनिक शौचालय नभएको भन्दै भएको आलोचनाको इटहरी उपमहानगरपालिकाले खण्डन गरेको छ । उपमहानगरले बुधवार एक विज्ञप्ति जारी गर्दै चर्चामा आय जस्तो इटहरीमा शौचालय अभाव नभएको बताएको हो ।
इटहरी ९ स्थित बसपार्कमा दुई वटा सार्वजनिक शौचालय र आइत, बुध हटियामा पनि सार्वजनिक शौचालय रहेको उल्लेख गरिएको छ । साथै उपमहानगर परिसरमा स्मार्ट शौचालयमा निमार्णकाे काम अन्तिम चरणमा पुगेको उपमहानगरले बताएको छ । स्मार्ट शौचालयमा महिला तथा पुरुष शौचालय,महिला तथा पुरुष दुवैका लागि अपाङ्गतामैत्री शौचालय, स्टाफ शौचालय रहने छन् ।
वगैचा,वाटर फाउन्टेन र क्लक टावर समेत रहने छ । २० जनाले एकै पटक प्रयोग गर्न सकिने शौचालयमा स्वचालित चार वटा ढोकाहरू रहने छन् । यसैबिच उपमहानगरपालिकाले दुई वटा घुम्ती शौचालय खरिदका लागि प्रक्रिया अघि बढाइसकेको बत्ताइएको छ ।
प्रतिक्रिया दिनुहोस
कम्पनी दर्ता प्रमाणपत्र नं.: २०५७२३/७५/७६ / स्थायी लेखा नं.: ६०६५२१६७९
Copyright © 2017 / 2024 - Samayaonline.com All rights reserved