अल्पसंख्यक समुदायको ब्यक्तिहरुलाई अन्तरकृया कार्यक्रम ।

इटहरी । स्थानिय स्तरको सेवा दिने संवन्धित संघ सस्थाहरुले सेवा लिन आउने यौनिक तथा अल्पसंख्यक समुदायको ब्यक्तिहरुलाई कस्तो सहयोग गर्नु पर्छ भन्ने विषयमा इटहरीमा अन्तरकृया कार्यक्रम सम्पन्न भएको छ । साहारा समाजका आयोजना तथा मितिनी नेपालको सहयोगमा भएको सो अन्तरकृया कार्यक्रमको सहजीकरण सुमन लामाले गरेका थिए । वच्चा जन्मीदा छोरा या छोरी मात्र नजन्मिने फरक यौनाङ्ग भएको वच्चा पनि जन्मन सक्छ, त्यो अवस्थामा परिवारले आफु खुसी यौनाङ्ग परिवर्तन गर्नु हुदैन छोरा जस्तै छ छोराको जस्तो या छोरी जस्तो छ छोरीको जस्तो यौनाङ्ग सर्जरी गरीदिदा पछि उनीहरुमा आफ्नो यौनाङ्ग ठुलो समस्याको रुपमा आउन सक्छ । त्यसैले परिवारले आफु खुसी सर्जरी नगरी म के हो भनेर ब्यक्ति आफैले स्पस्ट भइसके पछि सर्जरी गरिदिदा राम्रो हुने सहजकर्ता लामाले वताए । कार्यक्रममा वडा नम्वर ४ का वडा अध्यक्ष चन्द्र प्रसाद भट्टराई,इलाका प्रहरी कार्यलयका प्रहरी नायव निरीक्षक सेर बहादुर पराजुली, इटहरी मेडिकलको इन्चाज केदार कोइराला लगायत ३२ जना विभिन्न संघ सस्थाको प्रतिनिधहरुको सहभागीरहेका थियो,सहभागीहरुले आ–आफ्नो धारणा राखेका थिए ।