कटहरीका कांगेस एकल उमेदवारीद्वारा मतदाताका घर घर ।

कटहरी । आसन्न स्थानीय तहको निर्वाचनअन्तर्गत मोरङको कटहरी गाउँपालिकामा कांग्रेसबाट अध्यक्ष र उपाध्यक्षसहित सबै पदमा एकल उमेदवारी परेको छ । अन्यत्र गठबन्धन भएपनि कटहरीमा भने कांग्रेस उमेदवा एक्लैले अधिकांश पदमा एकल मनोनयन दर्ता गराएका छन् ।
आगामी बैसाख ३० गते स्थानीय चुनाव हुँदैछ । कटहरी गाउँपालिकामा नेपाली कांग्रेसका अध्यक्षका उमेदवार देवराज चौधरीले चुनावी प्रचार अभियानलाई तीव्रता दिइएको बताए । उनले भने,“विकास निर्माण साथै जनताको आवश्यकताअनुसार हामी काम गर्ने योजनासाथ अघि बढेका छौ ।” चौधरीले आदिवासीको बाहुल्यता रहेको कटहरीमा स्थानीय आववश्यकता र मागअनुसार विकास निर्माणका काम अघि बढाइने बताए ।
गाउँपालिकामा घरदैलो अभियानमा ब्यस्त रहेका चौधरीले आफुले जितेर आएपछि गाउँपालिका बासीले महशुस गर्ने गरी काम गर्ने बताएका छन् ।
उनले विकास निर्माण साथै स्वास्थ्य शिक्षामा क्षेत्रमा जनतालाई प्रत्यक्ष लाभ हुने खालक काम गर्ने प्रतिबद्धता गरेका छन ।
अध्यक्षका उम्मेदवार चौधरीले गाउँपालिकामा संचालन भएका पुरा नभएका योजनाहरु पूरा गरिने बताएका छन् । भने,“जनतासंगको छलफलमा आगामी योजनाहरु ल्याउने छु । सबै नगरबासीहरुसम्म स्वास्थको पहुँच पुर्याउने छु ।” उनले महानगरपालिकाको छेवैमा भएर पनि कटहरी धेरै हिसाबले पछि परेको भन्दै स्वास्थ्य क्षेत्रको विकासमा काम गर्ने सुनाए ।
उनले धेरै गफ भन्दा पनि आफूले काम गरेर देखाउने बताएका छन् । आफ्नो प्रतिबद्धता अनुसारको काम गर्ने र छोरी शिक्षाको लागि समेत सामुदायिक विद्यालय सुधारको लागि काम गर्ने सुनाए ।