ट्राफिक प्रहरी पोष्ट हलगडाले गर्‍यो ट्राफिक सचेतना कार्यक्रम

इटहरी/ ट्राफिक प्रहरी पोष्ट हलगडाले सोमबार बिहान ट्राफिक सचेतना कार्यक्रम गरेको छ। ट्राफिक प्रहरीले आज बिहान हलगडामा यस्तो कार्यक्रम गरेको हो।

ट्राफिक प्रहरीले हुस्सु एवं कुहिरोका कारण हुनसक्ने सम्भाबित दुर्घटना अपनाउनुपर्ने भूमिकाको बारेमा सवारी चालकहरुलाई जानकारी गराएको छ। ट्राफिक प्रहरीले सम्भावित दुर्घटना टार्न हेडलाईट बल्ने नबल्ने चेक गर्दै सवारी साधन चलाएको बखत इमरजेन्सी लाईट बालेर सवारी साधन चलाउन अनुरोध गरेको छ।

यस्तै हलगडा ट्राफिकले यात्रु मैत्री कार्यक्रम अन्तरगत यात्रुहरुलाई प्रतिक्षालयमा जम्मा गरेर सार्वजनिक सवारी साधनमा बढि भाडा नअसुल्न तथा बसहरुमा जेष्ठ नागरीकहरुको सिटमा जेष्ठ नागरीक, महीला सिटमा महिला तथा अपांग सिटमा अपाङ्गता भएकाहरुलाई राख्न अनुरोध गरेको छ।

यस्तै गाडीमा नेपाल सरकारले लागु गरेको भाडादर अनुसार भात्र भाडा लिन अनुरोध गरेको छ।