उद्योग वाणिज्य संघ, इटहरी निर्वाचन २०७९ हाम्रो नेतृत्व, हाम्रै नीति व्यवसायीहरूको आर्थिक उन्नति रञ्जु सिग्देल

 इटहरी /सुनसरी जिल्लाको साविक सिंगिया गाविस हाल परिवर्तित रामधुनी नगरपालिका निवासी चुडामणी सिग्देल र कमला सिग्देलको कोषबाट २०३९ सालमा जन्मनु भएकी रन्जु सिग्देल जनता बहुमुखि क्याम्पस इटहरीबाट एम.एड. सम्मको अध्ययन गर्नु भएको छ । रोटरी क्लव अफ इटहरी सदस्य, लायन्सक्लव अफ इटहरी संस्थापक अध्यक्ष, नेरेसो उपशाखा तरहरा आजिवन सदस्य , नेपाल घरेलु तथा साना उद्योग महासंघ सुनसरी महासचिव, नेपाल उद्योगी व्यवासायी महासंघ केन्द्रिय सदस्य, इटहरी उद्योग वाणिज्य संघ एक कार्यकाल कार्यसमिति सदस्य लगायतका जिम्मेवारीहरु समाली सक्नु भएको छ । नेपालका विभिन्न शहरहरु भ्रमण गर्नु भएकी सिग्देल मिजासिलो, हसिलो, मिलनसार र सहयोगी भावनाको हुनु हुन्छ । २०६१सालमा डिल्ली राम चौलागाई संग बैबाहिक बन्धनमा गाँसीनु भएकी सिग्देलको सन्ततिका रुपमा १छोरा १छोरी छन् । २०७९ साल माघ २८ गते शनिवार हुने इटहरी उवासंघको निर्वाचनमा अध्यक्ष पदमा उम्मेदवारी दिनु भएकी सिग्देल संग पूर्वीहटलाईन दैनिकका प्रतिनिधि जनक पाण्डेले गरेको कुराकानीको सार संक्षेप यहाँ प्रश्तुत गरिएको छ ।
उद्योग वाणिज्य संघमा तँपाईको उम्मेदवारी किन ?
    इटहरी उद्योग वाणिज्य संघ लाई व्यवसायीहरुको अभिभावक बनाउनका लागि मैले अध्यक्ष पदमा उम्मेदवारी दिएकी हँु ।
इटहरीका उद्योगी व्यापारीहरुका के कस्ता समस्याहरु देख्नु भएको छ ?                                      व्यापारीहरुका जल्दा बल्दा समस्या भनेको बैंकको बढ्दो व्याजदरले गर्दा व्यापारीहरुको जग्गा कौडीको भाउमा लिलाम भएर सडकछाप हुनु पर्ने अवस्था छ । घरबहाल सम्बन्धि स्पष्ट कार्य नीति नभएको , बजार व्यवस्थापन राम्रो नभएको, पार्किङको समस्या, उवासंघबाट पाउने सूचना व्यवसायी समक्ष नपु¥याइएको लगायतका समस्याहरु रहेकाछन् ।
इहटरी उद्योग वाणिज्य संघमा तत्काल गर्नु पर्ने कामहरु के के होलान् ?
इटहरीका व्यवसायीहरुमा व्यवसायीक तालिमको दक्षता नभएको ,होल सेल र खुद्रा व्यापारीहरु विच समस्या जस्तो होलसेल वालाहरुले खुद्रा विक्रि गरेको भन्ने खुद्रा व्यापारीहरुको आरोप रहेको छ ।व्यवसायीहरुको दायरा बढाउने करको दर (शुल्क) घटाउने, पार्किङको लागि स्थानिय संग सहकार्य गरि समस्या समाधान गर्ने ।
उद्योग वाणिज्य संघको भवन उपयोगमा ल्याउन नसकेको भन्ने व्यापारीहरुको गुनासाहरु सुन्नमा आएका छन् नी ?
उद्योग वाणिज्य संघको भवनलाई आम्दानीका रुपमा प्रयोग गर्न सकिन्छ । हाल भवन उपयोग विहिन भएको छ । बजारको आवस्यकतालाई हेरेर भवनलाई उपयोगमा ल्याएर आम्दानीको दरविलो श्रोत बनाउन सकिन्छ जस्तो पार्टीप्यालेसका रुपमा संचालन गर्न सकिन्छ ।
तँपाईले निर्वाचन जित्ने आधारहरु के के छन् ?
हिसाव किताव क्लीयर भएन भन्ने गुनासाहरु इटहरी उद्योग वाणिज्य संघको साधारणसभामा कुरा उठेको छ । मैले निर्वाचन जितेको खण्डमा हाम्रो कार्यकालमा आम्दानी खर्चका हिसावहरु ठीक दुरुस्त अवस्थामा राखी पारदर्सी ढंगले साधारणसभामा राखिने छ । घुम्ति शौचालय मर्मतमा करिव ४० लाख खर्च भएको देखाइएको छ तर हाल ती घुम्ती शौचालय कहाँ छन् थाहा छैन । उवासंघले व्यवसायीहरुको हक हितमा काम गर्ने हो नगरपालिको गर्ने काम उवासंघलाई किन गर्नु परेको हो व्यसायीहरुले अध्यक्षमाथी प्रश्न उठाएकाछन् । उवासंघमा राहत कोषको स्थापना गरिएको छ व्यवसायीहरु संग राहतकोष शीर्षकमा पैसा उठाइन्छ उक्त राहतकोषको रकम व्यापारीहरुलाई समस्या पर्दा कुनै घट्ना घटछ्दा उपलब्ध गराउनु पर्नेमा राहतकोषको रकम गैर व्यापारीहरुमा खर्च गर्ने गरिएको छ । म अध्यक्ष पदमा निर्वाचित भएँ भने सो राहतकोषलाई व्यापारीहरुको हितमा लाउने छु ।
तँपाईका मुख्य एजेण्डाहरु के कस्ता छन् ?
म उद्योग वाणिज्य संघको अध्यक्ष भएँ हाम्रो टिमले बैंक व्याजदर,व्यापारीहरुको सम्मान, रोजगार बैंकको स्थापना, व्यवसायीक डाटा निर्माण, व्यवसायीक सुरक्षा, औधोगिक ग्राम स्थापना, पार्किङ व्यवस्थापन, व्यवसायीक हितको रकमलाई नियमन गर्ने , व्यापार प्रवर्धन तथा संचारमा सहजता ल्याउने, युवा स्वरोगार कार्यक्रम , महिला उद्यमशिलतामा ध्यान दिइने, प्रदर्शनी तथा मेलाको व्यवसथापन,राहत तथा पुनस्थापन, घरबहाल सम्झौता आदी व्यापारीहरुका जल्दा वल्दा समस्याहरुमा काम गर्नेछौं ।
तपाई विभिन्न पदमा रहेर आज सम्म सामाजिक क्षेत्रमा के कस्ता कामहरु गर्नु भएको छ ?                  ,फकोरोनाको समयमा लायन्स क्लवमा रहँदा इटहरीका दिनदुखीहरुलाई खाद्यान्न वितरण , २० वटै वडामा जुत्ता बनाउने, माला बनाउने, सिलाई कटाई आदी सिपमुलक तालिमहरु संचालन गरिएको । सिर्जनसिल उद्यमी मेला इटहरीमा २०७६ देखि निरन्तर संचालन गर्दै आएको ,रोजगार मेला २०७५मा संचालन गरिएको, २०७५मा प्रदेश स्तरीय (१४ वटै जिल्लाका) महिला उद्यमीहरुको प्रदर्शन मेला इटहरी उवासंघको हलमा संचालन गरिएको । इटहरीका व्यवसायी महिलाहरुलाई देशका विभिन्न कार्यक्रमहरुमा सहभागि गराईएको लगायतका कामहरु गरेकी छु ।