काठमाण्डौ/ संघीय राजधानी काठमाण्डौको जडिबुटीमा बसपार्क राख्न नहुने भन्दै स्थानीयले बिरोध गरेका छन्। कुनैपनि हालतमा बसपार्क राख्न नदिने भन्दै लामो समयदेखि स्थानीय आन्दोलित छन्।
स्थानीयबासीले जडिबुटी एरिया आवासीय क्षेत्र रहेको र बस्ती बीचमा स्थानीयबासीलाई खबरै नगरि दुई चार घरको मिलेमतोमा बसपार्क राख्ने निर्णय गरिएको भन्दै स्थानीयले बिरोध गरेका हुन्।
स्थानीयबासिन्दाले मनोमानी रुपमा बसपार्क राखिए आईपर्ने परिस्थितिको जिम्मेवारी काठमाण्डौ महानगरपालिका वडानम्बर ३२का वडाध्यक्ष यस्तै अरनिको यातायात र श्रीजनशिल समाजको अध्यक्षले लिनुपर्ने चेतावनी समेत दिएका छन्।
जडिबुटिमा बसपार्क राख्दा सबैभन्दा ज्यादा कोटेश्वर कलेजमा असर पर्ने भन्दै स्थानीयले दुईचार जनाको घर गेष्ट हाउस प्रयोजनका लागि भाडामा जाने भन्दैमा मनोमानी नगर्न स्थानीयले चेतावनी दिएका छन्।
स्थानीयले अरनिको यातायातका अध्यक्षलाई लक्षित गर्दै जबरजस्ती जडिबुटिमा बसपार्क राख्न खोजेमा त्यसको क्षतीपुर्ती आँफैले बेहोर्नुपर्ने चेतावनी दिएका छन्।
प्रतिक्रिया दिनुहोस
कम्पनी दर्ता प्रमाणपत्र नं.: २०५७२३/७५/७६ / स्थायी लेखा नं.: ६०६५२१६७९
Copyright © 2017 / 2024 - Samayaonline.com All rights reserved